Монгол Улс Нэгдсэн Үндэстний Байгууллагын бүрэн эрхт гишүүнээр элссэний 60 жилийн түүхт ой тохиож байна

М.Төгөлдөр
Өчигдөр

Монгол Улс НҮБ-ын гишүүнээр элссэний 60 жилийн ой өнөөдөр тохиож байна. Уг ойг тохиолдуулан Гадаад харилцааны сайд Б.Батцэцэг мэндчилгээ дэвшүүлснийг бүрэн эхээр нь хүргэж байна.

Мэндчилгээнд, Элэг нэгт монголчууд та бүхэндээ Монгол Улс Нэгдсэн Үндэстний Байгууллагын бүрэн эрхт гишүүнээр элссэний 60 жилийн түүхэн ойг тохиолдуулан халуун мэндчилгээ дэвшүүлье. Хүн төрөлхтний түүхэнд үнэлж баршгүй их гарз хохирол учруулж олон сая хүний эрдэнэт амийг хөнөөсөн Дэлхийн II дайны өтгөн манан бүрэн арилж амжаагүй байхад дайны хөлд нэрвэгдсэн улс орнууд ашид мөнхийн энх тайвныг эрэлхийлж, гамшигт аюулыг дахин давтахгүйн төлөө Нэгдсэн Үндэстний Байгууллагыг 1945 оны 10 дугаар сарын 25-нд эмхлэн байгуулж байсан. Хэдийгээр дэлхийн улс орнууд түүх соёл, зан заншил, улс төр-эдийн засгийн тогтолцоо, хөгжлийн түвшний хувьд ихээхэн ялгаатай ч хүн төрөлхтөн бол нэгэн айл гэр гэдгийг НҮБ илтгэн харуулж байдаг. Монгол Улс энэ өнөр өтгөн айлын 101 дэх гишүүнээр элсэн, бүрэн эрхт, туурга тусгаар улс гэдгээ дэлхий нийтэд тунхаглан зарласны 60 жилийн түүхт ой нь Монголчууд бидний хувьд бахархалт өдөр мөн.

Нэгдсэн Үндэстний Байгууллага нь том, жижиг, хөгжингүй, хөгжиж буй гэлтгүй бүх улс тэгш эрх, ижил оролцоотой байх суурь зарчим дээр үндэслэн байгуулагдсан билээ. Иймд далайд гарцгүй, хүн ам цөөнтэй, хөгжиж буй манай орны хувьд тус байгууллагын гишүүнээр элссэнээр бусад улс оронтой ижил эрх, тэнцүү үүрэг хүлээж, дэлхийн тавцанаа нийт хүн төрөлхтний сайн сайхан, энх тайвны төлөө дуу хоолой, байр сууриа илэрхийлэх боломжтой болсон. Энэ боломжийг өнгөрсөн 60 жилийн хугацаанд Монгол Улс бүрэн ашиглаж НҮБ-ын Дүрмийн зорилго, зарчмуудыг үнэнчээр даган мөрдөж, тус байгууллагын үйл ажиллагааны тулгын 3 чулуу болох олон улсын энх тайван, аюулгүй байдлыг сахин бэхжүүлж, нийгэм, эдийн засгийн хөгжлийг урагшлуулах, хүний эрхийг хамгаалах хүчин чармайлтад хувь нэмрээ оруулж ирсэн. Монгол Улс эдүгээ дэлхийн 193 улстай дипломат харилцаа тогтоон, олон улс, бүс нутгийн Засгийн газар хоорондын 80 гаруй байгууллагад гишүүнээр элсэж, олон улсын 290 гаруй гэрээ, конвенцид нэгдэн ороод байна.

Энэ завшааныг ашиглан НҮБ-ын системийн байгууллагуудын тусламж, дэмжлэг Монгол Улсын эдийн засаг, нийгмийг хөгжүүлэхэд үнэтэй хувь нэмэр оруулсныг талархан тэмдэглэе. Монгол Улсын Засгийн газар “Тогтвортой хөгжил 2030” хөтөлбөртэй уялдуулан баталсан “Алсын хараа 2050” урт хугацааны хөгжлийн бодлогынхоо хүрээнд 2021-2024 онд төрийн үйлчилгээний 90-ээс доошгүй хувийг “Цахим Монгол” нэгдсэн платформд оруулж, цаашлаад төрийн бүх үйлчилгээг цахимжуулж “Дижитал үндэстэн” болох зорилтыг хэрэгжүүлэхэд НҮБ-тай нягт хамтран ажиллах болно" гэжээ.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна 9 цагийн өмнө
​Б.Баярсайхан: Намайг төрд хэрэгтэй гэвэл би нэр дэвшинэ 11 цагийн өмнө
Бага тойруугийн 30 гаруй байршилд өдрийн цагаар зогсоол хамгийн эрэлттэй байна 11 цагийн өмнө
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна 11 цагийн өмнө
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана 12 цагийн өмнө
Дөрөвдүгээр сард зохион байгуулагдах хүчит бөхийн барилдааны хуваарь 12 цагийн өмнө
Хүүхдийн паркт амьтны хүрээлэн ажиллаж байна 13 цагийн өмнө
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно 13 цагийн өмнө
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих 15 цагийн өмнө
Өнөөдөр цахилгааны хязгаарлалт хийх байршлууд 17 цагийн өмнө
Цасан шуурганаар сураггүй болсон хоёр иргэнийг хайж байна 18 цагийн өмнө
Орон даяар 16:00 цагт гамшгийн аюулын зарлан мэдээллийн дохио дуугарна 18 цагийн өмнө
ЦАГ АГААР: Зүүн аймгуудын нутгийн зүүн хэсгээр цас орж, цасан шуурга шуурна 18 цагийн өмнө
Танилц: ЗГ-ын хуралдаанаар гаргасан шийдвэрүүд Өчигдөр
Даланзадгад-Мандалговь, Цогтцэций-Мандалговь чиглэлд гарах хөдөлгөөнийг​ хязгаарлалаа Өчигдөр
"Утсаар ярьчихаад ирье" гээд гарсан 33 настай залуу алга болоод таван сар болж байна Өчигдөр
С.Чинзориг: "Д" вирустэй иргэдийн интерпирон эмийг оруулж ирэхээр хэлэлцээр хийсэн Өчигдөр
Н.Учрал: И-Монгол систем дээр эмийн жор бичих боломжтой боллоо Өчигдөр
ОБЕГ: Улаанбаатарын 976 барилгын 206 нь газар хөдлөлтөд тэсвэртэй Өчигдөр
Дундговьд 3.8 магнитудын хүчтэй газар хөдөллөө Өчигдөр