Эрсдэлийн үнэлгээний үр дүнгээс хамаарч Боловсрол, шинжлэх ухааны сайд Л.Энх-Амгалан 2, 3 настнуудыг арваннэгдүгээр сарын 1-нээс цэцэрлэгт хамруулна гэж мэдээлсэн билээ. Тэгвэл уг шийдвэр эцэслэгдэн гарсан эсэхийг Боловсрол, шинжлэх ухааны сайд Л.Энх-Амгалангаас тодруулахад, тэрбээр "Одоогоор УОК-ын эрсдэлийн үнэлгээ хийгдэж дуусаагүй байна. 14 хоногийн дараа 2, 3 настнуудыг цэцэрлэгт хамруулах асуудал эцэслэн шийдвэрлэгдэнэ" гэлээ.
Өнөөдрийн байдлаар 2-3 настнуудын 90 орчим хувь нь томуугийн вакцинд хамрагдсан. УОК-оос эрсдэлийн үнэлгээ хийгээд, нааштай дүгнэлт гарах юм бол 2, 3 настнуудыг цэцэрлэгт хамруулах үйл ажиллагааг орон даяар зохион байгуулагдах юм.
Улсын хэмжээнд хоёр настай 42 мянга орчим хүүхэд цэцэрлэгт хамрагддаг гэсэн судалгаа бий.
Сэтгэгдэл (0)
Сэтгэгдэл бичигдээгүй байна