Хил хаасантай холбоотой зарим антибиотик тасрах эрсдэлд хүрээд байгаа билээ. Энэ талаар ЭМ-ийн сайд С.Энхболдоос тодруулахад, тэрбээр "Эм, эмийн бүтээгдэхүүнд хомсдол үүсэх эрсдэлтэй байгаа учраас Шадар сайдын дэргэд ажлын хэсэг ажиллаж байна. Эм, эмнэлгийн хэрэгслийн хяналт, зохицуулалтын газар эм ханган нийлүүлэх байгууллагуудаас мэдээлэл авч зохицуулалт хийж ажиллаж байна. Өнөөдрийн байдлаар антибиотик эм, тариур, дуслын системийн бүтээгдэхүүнүүдийн хомсдол үүсэх эрсдэлтэй байна. Хоногийн нөөцийн тухайд харилцан адилгүй. Антибиотик эмнүүд 5-30 хоногийн нөөцтэй.
"Тянжин, Эрээнд 200 гаруй контенер гацсан байгаагаас 39 нь эм, эмнэлгийн хэрэгсэл ачсан контенер бий. Үүнийг яаралтай тээвэрлэх зохицуулалтыг хийхээр ажиллаж байна. Хэрэв тээвэрлэлт долоо хоногоор хойшлогдвол тариур мөн зүрх судсанд шаардлагатай эм тариа тасрах эрсдэлд хүрнэ" гэлээ.
Мөн түүнээс “Монгол Улс цар тахлын үед нэг иргэнд 111 сая төгрөг зарцуулсан байгаа эсэхийг тодруулахад "Өнгөрсөн Баасан гаригт /2021.10.22/ НЭМГ-ын орлогч дарга Ж.Отгонболд олон нийтэд мэдээлэл өгөхдөө “Монгол Улс цар тахлын үед нэг иргэнд 111 сая төгрөг зарцуулсан байна” гэж хэлсэн нь ташаа мэдээлэл. Ийм төгрөгийн эмчилгээ нэг ч хүнд хийгдээгүй. Цөөн хэдэн хүнд 70-80 сая төгрөгийн эмчилгээ хийгдэж байгаа тохиолдол бий. Тухайлбал, уушги орлуулагч эмчилгээнд орж байгаа хүмүүст ийм зардал гарч байгаа.
-7°C
Сэтгэгдэл (4)