2021/12/08
USD 2,811

​Л.Оюун-Эрдэнэ: Монголын талын 34 хувьд оногдох зээлийг бид төлөх ёсгүй

Ш.АДЪЯАМАА
2021/11/01

Рио-Тинто группээс Монгол Улсын Засгийн газарт дөрвөн саналыг хүргүүлсэн. Тодруулбал, Засгийн газрын эзэмшиж буй 34 хувийн хувьцаанд ногдох 2.3 тэрбум ам.долларын зээлийн 70 хувь буюу 1.6 тэрбум ам.долларыг тэглэх, ногдол ашиг хүртэх хугацааг наашуулж, 350 сая ам.долларын дэмжлэгийг гурван жилийн хугацаанд олгох, далд уурхайн зардлын 1,4 тэрбум ам.доллароос менежментийн төлбөр авахгүй байх зэрэг саналыг тавьсан.

Энэ талаар Ерөнхий сайд Л.Оюун-Эрдэнээс тодруулахад, дараах байр суурийг илэрхийллээ. 

Тэрбээр "Гуравдагч улсын хөрөнгө оруулалт орж ирж, манай уул уурхайн салбар ажиллаж эхэлсэн гэдэг нь түүхэн том ололт. Үүнийг Засгийн газар үгүйсгэхгүй. Энэ байр сууриа хатуу баримтална. Оюутолгойн гэрээ хийгдэх явц, далд уурхайн бүтээн байгуулалтыг эхлүүлэхтэй холбоотой Ч.Сайханбилэгийн Засгийн газрын гаргасан шийдвэрүүдийг эргэж харах шаардлага зайлшгүй байгаа. Татвар дээр маш олон ашиггүй зүйлүүдийг санал болгоод тэр нь батлагдчихсан. Үүнээс болоод бид Арбитрын шүүх дээр нэхэмжлэл гаргаад жил гаруй явж байна. Нэгд, зардал өсөх тусам өрөнд ороод байдаг бүтэц рүү орчихсон. Зардал өсч байгаа асуудал дээр Монгол Улсын Засгийн газар ямар ч буруугүй. Зардлыг хөрөнгө оруулагч тал л хариуцах ёстой. 34 хувийг эзэмшигч Монгол Улсын Засгийн газарт ямар ч алдаа гараагүй. Энэ үүссэн өрөө тэглэх саналыг манай талаас тавьж байгаа. Хоёрт, далд уурхайтай холбоотой зардлын хэтрэлт гарвал мөн Монголын Засгийн газар хариуцахгүй. Өөрчлөгдөх бүрт  манай тал ногдол ашиг хүртэх нь хойшилж, өрөнд ордог ийм схемээр явж болохгүй. Хөрөнгө оруулагчдын тавьж байгаа саналыг хүндэтгэж судалж байгаа. Гэхдээ өнөөдрийг хүртэл үр өгөөжтэй болгох гэсэн байр суурин дээрээ хатуу байгаа.

Хэлэлцээртэй холбоотой асуудал нь өөрөө олон улсын түвшний сорилттой нүүр тулах амаргүй нөхцөл байдал үүсдэг. Далд уурхайн бүтээн байгуулалтын санхүүжилтийг бүрдүүлж байгаа 15 банк байгаа.  Тиймээс багц байдлаар улс орнуудын Засгийн газруудад асуудал тавьж, тайлбар хүсч байгаа асуудлууд бий. Энэ удаа бид илүү зөвшилцөл хийе гэж байгаа. Бид өмнө нь дандаа хөрөнгө оруулагч талд ашигтай шийдвэр гаргадаг байсан. Одоо бол харилцан ашигтай байя л гэж байгаа. Хэрвээ хөрөнгө оруулагч талд далд уурхайн бүтээн байгуулалттай ч юм уу ямар нэгэн байдлаар зардал өсгөх асуудал гарвал Засгийн газар шууд хамааралгүй байвал бид цаашаа хариуцахгүй. 34, 66 хувиа яах вэ гэдэг асуудлаа ярихын тулд өмнө нь үүссэн асуудлуудаа цэгцлэх санал тавьсан. Эдийн засаг Дубайн гэрээг байгуулахад хүнд байсан. Валютын нөөц багасаж, тасарсан амаргүй нөхцөл байдалд Ч.Сайханбилэгийн Засгийн газар ажиллаж байсан нь үнэн. Гэхдээ Дубайн гэрээтэй санал нэгдэхгүй хэд хэдэн зүйл байгаа. Энэ бол Засгийн газрын хуралдаанаар оруулсан бичиг баримт огт биш. Засгийн газрын хуралдаанаар оруулахын тулд заавал Сангийн яам, Хууль зүйн яамнаас санал авч мөн ЗГХЭГ-ын хяналтаар ордог. Гэтэл зөвхөн “Эрдэнэс Монгол” дээр ганцхан хүн шийдвэр гаргачихсан учраас асуудал үүсээд байгаа юм" гэлээ. 






Сэтгэгдэл (17)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.90.197
Хэргийн эзэн хэнгэрэгийн дохиур САЙХАНБИЛЭГ гэгчийг нэн даруй олж ирж хариуцлага тооцоочээ?
Хариулах
64.119.23.156
Иймэрхүү өөрт ашигтай гэрээ хийнэ үү гэхээс хэдэн бор юм авилгад аваад улсаа хөсөр хаядаг байж болшгүй зүйлийг дахин гаргуулахгүйн тулд цаазлах хүртэл хатуу арга хэмжээ ав
Хариулах
66.181.190.128
Монгол улс БАЯЛАГАА гаргана.Нөгөө таг хөрөнгөө ГАРГААД үйлдвэрлэлээ явуул. ГАРСАН ашгийн 51%-аас дээш ашгийг ,БАЯЛАГАА гаргасан тал МУ авна.Үйлд.эрлэлийн ажиллагаанд МУ орохгүй гэсэн ерөнхий агуулгад хэрээнүүд багтахаар хэлцэл хийгдвэл зөв . Эся зөвшөөрвөл. РИО-Г ОРХИХООС ӨӨР ЗАМГҮЙ . 100% АВАХ ХЭРЭГТЭЙ.
Хариулах
202.9.46.20
Зэснээсээ үнэтэй дагалдах үнэт металлуудаасаа яагаад ашиг татвар авах талаар ярихгүй байгаа юм бэ ...
Хариулах
202.70.34.114
Риогийн орд эзэмшдэг Монголоос бусад бүх улс орнууд 51-с дээш 66 хүртэл хувиа эзэмшихээр гэрээгээ хийж чадаад байна даа.............. .................ю
Хариулах
66.181.161.31
34 н хувиас үүссэн өрийг тэглэх ёстой, цаашдаа бүр үндсээр нь байхгүй болгож баялагын эзэн Монгол улстай дахин ийм дэмий зүйл хэлэцэхийг хатуу хориглох хэрэгтэй.
Хариулах
103.212.116.121
Тийн ш дээ. Манайх авсан зээл биш ш дээ. Хүний юмыг тавьж зээл авчихаад эзнийг нь хамт төлье гэж юу гэсэн үг юм ??
Хариулах
202.126.89.67
Чиний нэр дээр өөр хүн зээл аваад байж болох юм уу?
Хариулах
150.129.143.247
ЗӨВ. Баялагаа өгч байж нэмэлт өгөх ёсгүй. Ашгаа л авах ёстой. Яахаараа молибден зэрэг дагавар баялагын олдвороос татвар авах ёсгүй юм. АВАХ хэрэгтэй. БАГАБАНДИЙГ явуулаач.
Хариулах
66.181.161.102
Багабанди бандидуулсан урвагч
Хариулах
62.55.205.86
Багабанди гуай, Батсүх хоёр хяналт тавьлаа юу, ккккк
Хариулах
62.55.205.86
Зөв санал, санаа байна
Хариулах
66.181.161.102
хуцдаг новш вэ чи
Хариулах
59.153.114.31
15 банкнаас Монголын тал зээл аваагүй, Рио Тинто авсан, түүнд зээл авахад нь буруу замаар тусалсан. Энэ ззээлийн асуудалд Монголын Засгийн газар хутгалдах ёсгүй юм шүү дээ. Засгийн газартай байгуулсан гэрээ, тохиролцсон 2010 оны ТЭЗҮ-ийн зөрчсөн ноцтой асуудлыг ЗГ яагаад Хөрөнгө оруулагчтай тууштай ярьдаггүй юм бэ. Рио Тинтотой хэлэлцээг энэ асуудлаас эхэлж ярих ёстой бусуу? Ерөнхий сайдын зарим бодлого, байр суурийг дахин дахин тунгаан бодох, зөв ойлгох хэрэгтэй юм шиг санагдлаа...
Хариулах
66.181.161.96
Бүхэл бүтэн улсын Ерөнхий сайд хувьцаа эзэмшигчийн эрх, үүргийн талаар анхны мэдэгдэхүүнгүй байна гэж үү?! 34% эзэмшиж байгаа нь үнэн л юм бол бүх зээл, өр, зардлын 34%-ийг хариуцах л ёстой!! Харин ОТ-н захиргаа өр зээл өсгөж байгаа эсэхэд ТУЗ нь хяналт тавих ёстой. ТУЗ-д нь монголын төлөөлөгч сууж байгаа шүү дээ?!! Яагаав, Багабанди?!
Хариулах
192.82.87.131
Маш зөв..Оюунэрдэнийг энэ асуудлыг улс орон,ард түмэнд ашигтайгаар өөрчилж чадвал ард түмэн хүндэлж ард түмний дотор нүүр бардам нэр хүндтэй байх болно..Асуудалд шудрага чанар, эх оронч сэтгэл хамгаас чухал.Өнөөх өндөр боловсролтой гэгддэг Баяр,Баярц
Хариулах
192.82.69.79
уг нь ч зөв шүү.нүүрсээ бушуухан заръя гээд байгаа хүмүүсээ өөр эх үүсвэрээс эрчим хүч гаргах нь угаасаа найдвартай биш үүсвэр юм шүү.Улс орнууд нүүрсний нөөцгүй болоод эрчим хүчний хямралд орж байгаа.Та бидний тархийг угаагаад нүүрсийг маань рио өдөр шөнөгүй зөөж байгаа
Хариулах