2021/12/08
USD 2,811

Иргэний үнэмлэхийн QR кодыг e-Mongolia апп-р уншуулан, вакцины тунг шалгах боломжтой

М.Төгөлдөр
2021/11/02

Улсын онцгой комиссоос аж ахуй нэгж, байгууллагын үйл ажиллагааг шат дараатайгаар нээж буй. Үүнтэй холбоотойгоор тухайн аж ахуй нэгж, байгууллагуудад III тун хийлгэсэн иргэдэд үйлчилгээ үзүүлэх эсвэл 20,000 төгрөгөөр шинжилгээ өгөх шаардлага тавьж байгаа.

Тэгвэл аж ахуй нэгж, байгууллагууд e-Mongolia аппликейныхээ тусламжтайгаар үйлчлүүлэгчийнхээ III тун хийлгэсэн эсэхийг шалгах боломжтой боллоо. Ингэхдээ та “e-Mongolia” аппликейшнээрээ тухайн үйлчлүүлэгчийнхээ иргэний үнэмлэхийн QR кодыг уншуулан, шалгах боломжтой.

Хэрвээ үйлчлүүлэгч тань иргэний үнэмлэхгүй явж байгаа тохиолдолд та үйлчлүүлэгчээсээ “e-Mongolia” аппликейшнтэй эсэхийг асуугаарай. Учир нь, “e-Mongolia” аппликейшны нүүрний хэсэгт байрлаж буй QR кодыг мөн адил уншуулан, вакцины хэдэн тунд хамрагдсан байгааг нь шалгаарай.

Дашрамд мэдээлэхэд, “e-Mongolia” системд төрийн 56 байгууллагын 600 гаруй үйлчилгээ цахимжиж, нэгтгэгдсэн бөгөөд өнөөдрийн байдлаар 2 сая орчим иргэн давхардсан тоогоор 5,8 сая гаруй төрийн үйлчилгээг цахимаар авчээ.


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.125
Яагаад ингэтлээ вакцин хийхээр улайраад байгааг хүмүүс минь бодож үзээч. Эд нар ард иргэддээ ингэтлээ хайртай билүү? Сонгуулиар л жоохон хайр зарлаад гарсныхаа дараа тухтай сандал суудалдаа ханаад шууд мартдаг биз дээ. Өөрсдийнхөө амьдралыг нэг хараад үзээч. Цалин нэртэй шавхруу авч өрнөөс өрны хооронд яг л манкурт боол шиг зүтгээд, дээр сандайлсан дарга нар нь үзэгний үзүүрээр хагартлаа баяжиж хэт амьдралаас тасраад бүлт бүлт үсэрсэн ийм л эмгэнэлтэй нийгэм л байгаа биз дээ. Уг нь хамгийн их баялагтай хамгийн их газар нутагтай улс ингэж амьдах гэж юу байхав дээ. Ёстой тархиа угаалгасан мал үндэстэн болж. Хятадын комунист намт худалдагдан барьцаалагдсан хэдэн улс төрчид чинь вакцин нэртэй хороор туршилт хийлгээд их хэмжээний хээл хахууль авч хууль бус сонгуулийнхаа зардалыг хүртэл даалгачихсан шүү. Бүү вакцин хийлгэ!! цөөхөн үндэстэн мөхөх аюулд орж байгаа шүү !! Сэрцгээ!!!
Хариулах