Сангийн сайд Б.Жавхлан цаашид ипотекийн зээл олголтыг хумина гэсэн мэдээллийг өгсөн. Тодруулбал, ипотек болон репо санхүүжилтийн зээлийг Төв банкнаас шууд татаж, хяналтандаа байлгадаг. Үүнийг хязгаарлаж байгаа хоёр үндсэн шалтгаан бий гэдгийг тэрбээр хэлж, "Нэгдүгээрт, хэмжээний асуудал. Аливаа бодлогын арга хэмжээ ялангуяа мөнгөний эргэлтээр дамждаг бодлого арга хэмжээнүүд зохистой хэмжээндээ байх ёстой. Зохистой хэмжээнээс хэтрэх, аль эсвэл дутвал үүсэх үр дагавар нь сайн, муу хоёр талтай. Ипотекийн зээл хэмжээнээсээ хэтэрвэл орон сууцны үнэ өсөх сөрөг талтай. Тэлэлтээсээ хэмжигдээд эргэлтийн шалтгаантай орон сууцны үнэ огцом өссөн 2013, 2014 оны алдаанууд давтагдана" гэж тодотгосон юм.
Энэ талаар Монголбанкны дэд Ерөнхийлөгч Г.Энхтайванаас тодрууллаа. Тэрбээр "Ипотекийн зээл хэвийн олгогдож байгаа. Оны эхний есөн сарын байдлаар 787 тэрбум төгрөгийг санхүүжилтийг зургаан хувийн зээлд гаргасан. Сард дунджаар 70 орчим тэрбум төгрөгийг зарцуулсан гэсэн үг. 10, 11 саруудад зорилтот хэмжээнээсээ бага зэрэг буурсан. Монголбанкнаас арилжааны банкуудад 10, 11 саруудад тус бүр 40 тэрбум төгрөгийг хуваарилсан. Арилжааны банкуудын өөрийн санхүүжилттэй нийлээд 133 тэрбум төгрөгийг ипотекийн зээлд зарцуулна.
Оны төгсгөлд инфляцийн нөлөө болон орон сууцны үнийн өсөлтөөс шалтгаалж Монголбанкнаас ипотекийн зээлийн санхүүжилтийг бага зэрэг бууруулсан. Гэхдээ хөтөлбөр хэвийн үргэлжилж байна. 2023 оноос эхлэн ипотекийн зээлийн хөтөлбөрийг Засгийн газар шилжүүлэхээр хуульд тусгасан" гэв.
-3°C
Сэтгэгдэл (1)