УИХ-ын гишүүн Г.Амартүвшин: Жолоочийн Албан журмын даатгалын 6-7 тэрбум төгрөгийг банканд алдсан нь үнэн бол ноцтой асуудал

УИХ-ын гишүүн Т.Аюурсайхан нарын 20 гишүүний өргөн мэдүүлсэн Жолоочийн даатгалын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцэх эсэхийг өнөөдөр чуулганы нэгдсэн хуралдаанаар хэлэлцэх эсэхийг нь хэлэлцэнэ. Уг хуулиар жолоочийн даатгалыг төрийн оролцоотой хийж, улмаар сан үүсгэх юм. 

Энэхүү хуулийн төслийн талаар УИХ-ын гишүүн Г.Амартүвшин хэлэхдээ  тэрбээр " Хувийн хэвшлийн хийж чадаж байгаа салбар руу яах гэж төр орох гээд байгааг ойлгохгүй л байна. Хэрэв хувийн хэвшлийнхэн хийж чадаж байгаа бол төр оролцохгүй дэмжих ёстой гэдгийг  Ерөнхий сайд ч гэсэн ч хэлж байгаа. Жолоочийн албан журмын даатгалд төрийн оролцоо байх шаардлагагүй. Миний харж байгаагаар сангийн л удирдлага болчихоод байна. Албан журмын даатгалын холбоонд 26 тэрбум төгрөг хуримтлагдахад сүүлийн есөн жилийн хугацаанд 546 сая төгрөгийн нөхөн олговор олгосон байна. Зүв зүгээр явж байгаа даатгалын салбар руу төр орж байгаа нь ойлгомжгүй.Бид эсрэгээрээ даатгалын салбараа томруулмаар байна. Гаднын орнуудад банкуудтай өрсөлдөх хэмжээний том хөрөнгө оруулагчид байдаг. Манайд энэ салбар өчүүхэн оролцогч. Жолоочийн Албан журмын даатгалын 6-7 тэрбум төгрөгийг "Үндэсний хөрөнгө оруулалтын банк" болон "Чингис хаан" банканд байршуулаад алдсан гэсэн яриа байна. Энэ үнэн бол ноцтой асуудал" гэлээ.