Соёлын сайд асан өдгөө Чингис хаан музейн захирлаар ажиллаж буй С.Чулууныг БНХАУ-д соёлын бие өвийг шилжүүлсэн гэх асуудлаар шалгаж эхэлжээ. Тодруулбал, “Монгол Улсын “Үндэсний Номын Сан”-ийн тусгай сан хөмрөгт хадгалагдаж буй “Өндөр Гэгээн Занабазар”-ын намтар түүхэнд холбогдох түүхэн эх сурвалжуудыг БНХАУ-ын талд хүлээлгэн өгсөн гэх асуудлаар түүнд мөрдөн шалгах ажиллагааг явуулж байгаа аж.
Ингэхдээ тэрбээр “Өндөр Гэгээн Занабазар”-ын намтар түүхэнд эрдэм шинжилгээний боловсруулалт хийлгүй БНХАУ-ын талд хүлээлгэн өгчээ. Улмаар тус улсын “Ардын их сургууль”-аас “Монгол Улсад хадгалагдаж байгаа нэгдүгээр дүрийн Жавзандамба хутагтын Монгол намтруудын эмхэтгэл” нэртэй дээд, доод хоёр ботиор хэвлүүлж соёлын биет өвийг завшсан” гэх үйлдэлд С.Чулууныг Монгол Улсын Эрүүгийн хуулийн тусгай ангийн 25.3 дугаар зүйлийн 1 дэх хэсэгт зааснаар хэрэг бүртгэлтийн хэрэг нээн шалгаж эхэлжээ.
Сэтгэгдэл (0)
Сэтгэгдэл бичигдээгүй байна