УИХ-ын Хууль зүйн байнгын хороо болон Инновац, цахим бодлогын байнгын хорооны хамтарсан хуралдаанаар Нийтийн мэдээллийн тухай хуулийн төслийн анхны хэлэлцүүлгийг хийж байна. Энэ үеэр Хууль зүйн байнгын хорооны дарга С.Бямбацогт хуралдаандаа оролцохгүй чөлөө авсан мөн тасалсан гишүүдийн нэрсийг хэдэнтээ зарлаж дуудав.
Тэрбээр “УИХ-ын гишүүн Ш.Адьшаа өглөө хуралдаан эхэлсэн 09 цагт ирцэндээ бүртгүүлчихээд гараад явсан байна. Мөн УИХ-ын гишүүн С.Саранчимэг, Д.Цогтбаатар нарын чөлөөний хугацаа нь дууссан. С.Саранчимэг гишүүн өглөө картаа уншуулчихаад гарсан, хаана одоо явж байгаа нь бүү мэд. Шадар сайд С.Амарсайхан ажилтай байж болно, гэхдээ байнгын хорооны хуралдаа суух ёстой. УИХ-ын гишүүн Л.Мөнхбаатар, Ш.Раднаасэд гишүүд мөн л картаа сугалаад гараад явсан байна. Хууль зүйн байнгын хорооны гишүүдээс тасалсан гишүүн байхгүй. Инновац, цахим бодлогын байнгын хорооноос Э.Бат-Амгалан, Н.Ганибал, Х.Ганхуяг, Т.Доржханд нар хуралдааныг тасалсан байна. Өвчтэй, ковид туссан бол бичгээ үзүүлээрэй.
Зарим нь хуралдаа сууж ажлаа хийгээд байдаг, гэтэл нэг хэсэг нь ирцээ бүртгүүлсэн боллоо гээд гадуур хувийн ажлаа амжуулаад яваад байдаг байж болохгүй. Бүгд л ажилтай хүмүүс” гэдгийг Хуульзүйн байнгын хорооны дарга С.Бямбацогт хэллээ.
-4°C
Сэтгэгдэл (15)