2021/12/08
USD 2,811

Элон Маск хоёр өдрийн дотор 50 тэрбумын алдсан ч дэлхийн хамгийн баян хүн хэвээр

М.Төгөлдөр
2021/11/10

Сүүлийн хоёр хоногийн турш Tesla компанийн хувьцааны үнэ унаж байгаагаас тэрбумтан, дэлхийн хамгийн баян хүн Илон Маск даруй 50 тэрбум долларын алдагдал хүлээгээд байгаа тухай Bloomberg агентлаг мэдээлсэн байна.

Тодруулбал, Илон Маск нь Tesla-д эзэмшдэг хувьцааныхаа 10 хувийг зарах эсэх талаар хэрэглэгчдээсээ асуусны дараанаас ийнхүү хувьцааных нь үнэ буурч эхэлжээ. Улмаар мягмар гарагт Нью-Йоркийн хөрөнгийн бирж дээрх арилжаа хаагдах үед Tesla компанийн нэгж хувьцааны үнэ 16 хувиар унажээ.

Ийнхүү хувьцааны үнэ 16 хувиар унахад Илон Маск 50 тэрбум долларын алдагдал хүлээсэн аж. Ямар ч хүн, ямар том компани байсан хоёр өдрийн дотор 50 тэрбум долларын алдагдал хүлээсэн гэхээр маш ноцтой гэж сонсогдох нь гарцаагүй. Харин Илон Маскийн хувьд өөр. Тэрээр 50 тэрбум доллар алдсан ч гэлээ 273 тэрбум долларын хөрөнгөтэй дэлхийн хамгийн баян хүн хэвээр байна. Хөрөнгийн хэмжээгээр дэлхийд хоёрдугаарт орж яваа Жефф Безосын хөрөнгө 201 тэрбум доллар.

Илон Маск яагаад гэнэт Tesla-д эзэмшдэг хувьцааныхаа 10 хувийг зарах эсэх талаар жирийн хэрэглэгчдээс асуух болсон шалтгаан нь сонирхолтой. Тэрээр “Сүүлийн үед зарцуулагдаагүй ашиг нь татвараас зайлсхийх арга мөн эсэх талаар яриа нэлээд гарах боллоо” гээд үүнтэй холбоотойгоор Tesla компанийн хувьцааныхаа 10 хувийг зарах эсэхийг хэрэглэгчдээс асууж шийднэ гэсэн юм. Ингэхэд түүний явуулсан санал асуулгад оролцсон хүмүүсийн 57,9 хувь нь хувьцаагаа зарахыг дэмжсэн бол 42,1 хувь нь эсэргүүцсэн.



Сэтгэгдэл (6)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.72.235
5 биш 50 тэрбум гэж байна малаа
Хариулах
66.181.161.71
бараг 7 :)))
Хариулах
66.181.161.15
Монголын ДНБ-ээс 5 дахин их мөнгө
Хариулах
202.126.88.218
5 terbumiig dollariin huvitsaa zarsan, yag odoogiin baidlaar unsan yum alga, angli helee sur dutuu tolgoinuudaa
Хариулах
103.26.193.224
ХЭХЭ БУЦААД Л ӨСНӨ Ш ДЭЭ
Хариулах
64.119.24.60
zozo
Хариулах