Нийслэлийн авто замын түгжрэлийн асуудлыг хэрхэн шийдвэрлэх талаар Засгийн газар өнөөдөр хэлэлцэж, буруу талдаа жолооны хүрдтэй автомашиныг замын хөдөлгөөнд оролцохыг хориглох зэрэг саналыг дэвшүүлсэн талаар бид өмнө нь мэдээлсэн билээ.
Энэ талаар Нийслэлийн Засаг дарга Д.Сумъяабазараас тодруулахад тэрбээр "Буруу талдаа жолооны хүрдтэй тээврийн хэрэгслийг хориглох эсэхийг иргэдээс санал авна. Эцсийн шийдвэр гараагүй. Иргэдийн хэдэн хувь нь буруу талдаа жолооны хүрдтэй тээврийн хэрэгслийг хэдэн оноос хойш нийслэлийн авто замаар зорчуулахгүй байх вэ гэж үзэх нь нийслэлийн баримтлах бодлого байх болно.Улаанбаатар хотын түгжрэл амаргүй байгаа. Жил бүр 70-80 мянган тээврийн хэрэгсэл нэмэгддэг. Жилд хүн ам 31 мянгаар нэмэгддэг" гэлээ.
Сэтгэгдэл (0)
Сэтгэгдэл бичигдээгүй байна