2021/12/08
USD 2,811

АНУ-д Си Жинпиний ойрын хүрээллийн талаарх тагнуулын мэдээлэл дутагдаж байна

Ш.АДЪЯАМАА
2021/11/11

 Америкийн тагнуул, тусгай албадын хувьд Хятад улс нь тагнан турших ажиллагаа явуулахад улам бүр хүнд болж байгаа тухай Bloomberg агентлаг мэдээлжээ. АНУ-ын одоогийн захиргаа нь БНХАУ-ын Тэргүүлэгч Си Жинпин ба түүний тойрон хүрээллийн талаарх ямар ч мэдээлэлгүй болсон гэж гомдоллосон байна. Гэтэл Хятадыг улам бүр бэхжин, нөлөөгөө тэлж байгаа орчин үед Вашингтон нь улс төрийн шийдвэр гаргахын өмнө Бээжингийн хийх дараа дараагийн алхмуудыг ойлгох, тооцоолох шаардлагатай улам их тулгарах болсон байна. Ялангуяа Тайваний асуудлаас эхлээд өндөр технологи хүртэл салбар бүрд хүчтэй өрсөлдөөнтэй, зөрчилтэй тулгарч байгаа үед тагнуулын мэдээлэл маш ихээр үгүйлэгдэж байгаа аж.

 Өмнөх Дональд Трампын захиргаа, одоо Жо Байдены захиргааны хувьд Бээжингийн олон шийдвэр гэнэтийн зүйл болж хувирсан гэж байна. Жишээлбэл, Хонконгийг бүрэн хяналтдаа оруулсан, Өмнөд Хятадын тэнгист цэргийн хүчээ гайхуулах болсон явдал, COVID-19-ийн гарал үүслийн талаарх мөрдлөг явуулахад хориг саад тавьсан, АНУ-ын хөрөнгийн биржүүд дээр хувьцаагаа гаргах гэсэн компаниудад дарамт шахалт үзүүлэх болсон зэрэг олон үйлдлийг Вашингтон огт тооцоогүй, эсвэл магадлал багатай гэж үзэж байжээ. Үүний дээр Хятадын цөмийн зэвсгийн тоо толгой тооцоолж байгаагүй өндөр хурдаар өсөн нэмэгдэж байгаа зэрэг нь тагнуулын мэдээний хэрэгцээ шаардлагыг улам нэмэгдүүлж байгаа аж.

 Хамгийн таагүй нь Хятадын удирдлагууд Си Жинпинийг төрийн өндөрлөгт гарахаас өмнө сөрөг тагнуулын том ажиллагаа явуулж, АНУ-ын тагнан турших сүлжээг маш ихээр хумьсан байж. АНУ одоо ч хүртэл сүлжээгээ өмнөх хэмжээнд хүртэл тэлж чадаагүй байгаа аж. 


Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
197.210.77.203
Мөнгөний төлөө бөөрөө зарах зөв газраа хайж байгаа, мөн эрүүл саруул хэвээр байгаа хүмүүст зориулж Fortis эмнэлэгтэй холбоо барина уу, бид таны бөөрийг 760,000 доллараар худалдаж авдаг. Та санхүүгийн бэрхшээлийг даван туулсан хэвээр байна уу? Та бөөрийг 760,000 доллараар зарж, маш эрүүл хэвээр байх болно [[email protected] gmail.com]
Хариулах
202.126.88.155
Ямар хөдөөнөс ирсэн н Си гж бичдэг бнаа? ШИ Жинпин шд
Хариулах
192.82.67.111
Энэ чинь аль хэдүйн бодит зүйл болсон шүү дээ. Америк нөгөөх улс бүрийг "НЭЭЛТТЭЙ " болгох гэж зүтгэдэг цаг нь өнгөрч л дээ. Түүнээс гадна Хятад Америкийг гэдэс дотортой нь дэлгэн харж суугаа шүү дээ. Ядахдаа Америкууд Оросын туршлагаар "Искуственный интеллигент" гэдэг хөтөлбөрөөс суралцах хэрэгтэй юм даа. Тэд чинь ямарч тагнуулын нарийн ажиллагаа явуулахгүйгээр мэдэх гэсэн бүхэнээ гэрээсээ л мэдэж байна шүү дээ.
Хариулах