2021/11/27
USD 2,811

Кубад олон нийтийн сүлжээ ашиглан хувьсгал гаргахыг оролдож байна

М.Төгөлдөр
2021/11/15

АНУ тэргүүтэй өрнөдийн улс орнуудыг элдэв өнгийн хувьсгал хийж төр эргүүлэхдээ гаргууд гэдэг. Эхлээд Ирак, Ливи, Тунис, Египет, Йемен, Украйн, Киргиз гээд маш олон улсад болсон төрийн эргэлт, хувьсгалын цаана АНУ тэргүүтэй өрнөдийн улс орнууд байгаа тухай мэдээ интернэтээр дүүрэн байна.

Цаг үеэ дагаад хувьсгал хийх технологид ч өөрчлөлт гарсан. Тэр нь олон нийтийн сүлжээ. Хуучин бол зурагт хуудас, ухуулах хуудас ханаар нааж гүйлддэг байсан бол одоо олон нийтийн сүлжээнд нэг зар тавиад л хэдэн зуун мянган хүнд шууд хүрч агшин зуур зохион байгуулалтад шилжих боломжтой болсон. Ийм ч учраас өнгөт хувьсгалыг зохион байгуулагчид олон нийтийн сүлжээг өргөнөөр ашиглах гэдэг харин Засгийн газрууд нь олон нийтийн сүлжээг хараа хяналтдаа байлгах гэдэг болсон.

Жилийн өмнө Беларуст бүтэлгүйтсэн дутуу хувьсгалыг гол удирдан зохион байгуулж, чиглүүлж байсан нь олон нийтийн сүлжээ байв. Харин Беларусын эрх баригчид үүнийг соргогоор мэдэрч, яаралтай хариу арга хэмжээ авч, эсрэг ухуулга сурталчилгаа хүчтэй явуулсан тулдаа тэсэж үлдсэн.

Энэ удаад АНУ-ын Засгийн газар Кубад төр эргүүлэхээр эрчимтэй арга хэмжээ авч байгаа талаарх мэдээ дуулдах болов. Гурван сарын өмнө корона вирусийн нөхцөл байдалтай холбоотойгоор Кубад бухимдаж дургүйцсэн ард иргэд нь олон жилийн дараа анх удаа гудамж талбайд Засгийн газрын эсрэг жагсаал цуглаан хийсэн. Жагсаал цуглаан аажмаар намжсан ч АНУ-ын зүгээс намжаахгүй байх арга хэмжээ авч байгаа талаар Кубын Засгийн газар мэдээлжээ.

Кубын Гадаад хэргийн сайд Паррильягийн мэдээлснээр тусгайлан Кубын иргэд үнэ төлбөргүй ашиглах боломжтой VPN үйлчилгээг АНУ-д ажиллуулж эхэлжээ. Тэрээр энэ талаар мэдэгдэхдээ “Хачирхалтай сонсогдож болох ч Кубад амьдардаг хэрэглэгч үнэ төлбөргүй ашиглах боломжтой харин бусад улсын иргэд төлбөр төлөх ёстой VPN үйлчилгээ нээгдсэн тухай сурталчилж эхлээд  байна. Энэ үйлчилгээг АНУ-д байрласан 19 сервер үзүүлж байгаад гайхах зүйлгүй. Ийм бүтээгдэхүүнийг зөвхөн Кубын оршин суугчдад үнэ төлбөргүй болгоно гэдэг нь манай тусгаар тогтнолын эсрэг чиглэсэн гэдгийг харуулж байна” гэжээ.

Үүний өмнө Кубын удирдлага нь Twitter ба Facebook-ийг Куба дах эсэргүүцлийн хөдөлгөөн өргөн олныг хамарсан мэт сэтгэгдэл төрүүлэхийн тулд хэрэглээний алгоритмаа өөрчиллөө гэж буруутгаж байсан юм.

Кубын Засгийн газрыг эсэргүүцэгчид арваннэгдүгээр сарын 15-нд том хотуудад Засгийн газрын эсрэг жагсаал явуулах зөвшөөрөл авах гэсэн болов ч эрх баригчид зөвшөөрөөгүй юм. Үүний хариуд эсэргүүцэгчид нь VPN үйлчилгээг ашиглан интернэтэд орж олон нийтийн сүлжээгээр жагсаалд гарах уриалга тараасан хэвээр байгаа юм.

 

 

 


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.19.169
ЮУН КУБА ИЙМ ЯМАР ЮМ БАЙДГИЙН ХАХА
Хариулах
103.26.194.59
'КУБАЧУУД ХҮН ШИГ АМЬДАРАХ ЭРХТЭЙ Ш ДЭЭ.ТЭНД ХҮНСИЙГ КАРТААР ОЛГОСООР БАЙГАА Ш ДЭЭ ЭНЭ ЮУ ВЭ АЙН
Хариулах