Улсын онцгой комисс (УОК)-ын Нэгдсэн шуурхай штабаас өчигдөр (2021.11.17) цаг үеийн асуудлаар иргэдийн сонирхсон асуултад хариулт өгсөн юм. Энэ үеэр Улсын Онцгой комиссын Нэгдсэн шуурхай штабын дарга, бригадын генерал Б.Ууганбаяр бүүстер тунгийн талаар мэдээлэл өгөв.
Тэрбээр “ Өнгөрсөн долоо хоногтой харьцуулахад энэ долоо хоногт халдвар 1271 тохиолдлоор буурсан үзүүлэлттэй байна. Халдварын тохиолдол буурч буй нь нэмэлт гуравдугаар тунгийн үр дүн. Тиймээс иргэд бүүстер тунг идэвхтэй хийлгэх хэрэгтэй. Одоогийн байдлаар гуравдугаар тунд 500 гаруй иргэн хамрагдсан бөгөөд энэ нь хамрагдах ёстой хүмүүсийн 30 хувь юм. 60-84 насныхны вакцинд хамрагдах идэвх өндөр буюу 40 гаруй хувьтай байна. тун. Зорилтот бүлгийн иргэд III тунгаа хийлгэсэн тохиолдолд үйлчилгээний байгууллагуудын цагийн хуваарийг сунгах боломжтой. Хамгийн гол нь баар, ресторан халдвар тархах өндөр эрсдэлтэй учир аж ахуй нэгжүүдтэй харилцан уулзалт зохион байгуулж байгаа. Иргэд нэмэлт тунгаа идэвхтэй хийлгэвэл цагийн хуваарьт өөрчлөлт оруулна” гэлээ.
Сэтгэгдэл (0)
Сэтгэгдэл бичигдээгүй байна