2021/12/06
USD 2,811

​​Хуульч О.Алтангэрэл​: Койн ХЗХ-ны дампуурлыг давтах вий. Төрийн байгууллагууд нь койны асуудалд дуугүй өнгөрч болохгүй

Ш.АДЪЯАМАА
2021/11/18

Олны анхаарлыг татаж буй койны талаар хэн, юу хэлэв?

ХУУЛЬЧ О.Алтангэрэл: Хэдийгээр койныг зохицуулах хууль байхгүй ч иргэдийг төөрөгдүүлэхгүй, залилан мэхлэлтэд өртүүлэхгүй байх асуудлыг шийдвэрлэх төрийн байгууллагууд нь байгаа. Хэрвээ үнэхээр дампуурах нь тодорхой, залилан мэхлэх гэмт хэргийн шинжтэй, мөнгөө хууль бусаар гадны байгууллага руу шилжүүлээд иргэдийг хохироогоод байвал шалгах үүрэг нь ТЕГ-ынх. Хэрэглэгчийн эрх ашгийг хохироож байна гэж үзвэл зогсоогоод шалгах үүрэг нь ШӨХТГ-т ч бий шүү.  СЗХ-ноосоо  эхлээд хуульгүй гээд бүгд ярьж байгаа. Банкны дансаар дамжин орж, гарч буй койны бирж гэх гүйлгээнд хяналт тавих эрх СЗХ-нд бий. 

Хуульгүй гэдгээр шалтгаалж, төрийн байгууллагууд нь койны асуудалд юу ч дуугарахгүй  байгаа нь эргээд сөрөг үр дагавар дагуулна. Хоёрдугаарт, койн Хадгаламж зээлийн хоршоо /ХЗХ/-ны хэргийг давтах өндөр магадлалтай. Хадгаламж зээлийн хоршооны хууль гэж байсан. Энэ хуулийн дагуу үйл ажиллагаа явуулж байсан ХЗХ-нууд дампуурсан. Хууль нь байсаар байтал хуулиар гадуурх зүйл болсон. Солонгост өчнөөн жил ажиллаж мөнгөө хураасан иргэд хохирч, жагсаал цуглаан хүртэл болж байсан. Төр хууль гаргаж ХЗХ-ны  охирогчдын мөнгөний  50 хувийг нь төлж барагдуулж дуусгасан.Койн энэ алдааг давтах вий. Тэр үед  ТЕГ, ЦЕГ, СЗХ, ШӨХТГ яагаад ажиллаагүй юм бэ гэж ард түмэн дуугарна.



Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.65.47
Үнэн шүү дэ. Юуны тулд Төр гэж байгаа билээ. Ард түмэн нь хохирч байхад төр нь хөдлөх хэрэгтэй. Бидний татварын мөнгөөр төр цалинжиж байгаа шүү.
Хариулах
139.5.219.208
er ni aliin bolgon tor bugdiig huanaj zohitsuulah be dee, irgediin oorsadiin hariutslaga gej baih estoi, neg ih irgededee haIRTAI hun bolj jujigledeg humuus olsnroh nee
Хариулах