2019 оны үндэсний их баяр наадмаар ес даван түрүүлсэн улсын арслан Э.Оюунболдын допингийн шинжилгээ эерэг гарсан тул улсын аварга цолыг нь хураахаар болсон. Улмаар түүнд унасан Н.Батсуурьт Монгол Улсын даян аварга, Улсын арслан Ц.Содномдоржид “Үлэмж бадрах” чимэг, Д.Анарт Улсын заан, Б.Цэдэнсодномд Улсын харцага, Н.Мустафад Улсын начин цолыг өнөөдөр нөхөн олголоо.
Энэ үеэр улсын заан Д.Анар "Би сүүлийн гурван жил допингтой бөхчүүдтэй барилдаж унасан байна. Олон жилийн хөдөлмөрөө үнэгүйдүүлж байгаад харамсаж байна. Би гомдолтой байна, өшөө ч их амжилт гаргах боломж надад байсан" гэлээ.
Сэтгэгдэл (0)
Сэтгэгдэл бичигдээгүй байна