2021/12/03
USD 2,811

Сонгинохайрхан дүүрэг эрэгтэйчүүдийн хөгжлийн төвтэй боллоо

М.Төгөлдөр
2021/11/19

Сонгинохайрхан дүүргийн Засаг дарга Н.Алтаншагайн санаачилгаар байгуулагдсан “Эрэгтэйчүүдийн хөгжлийн төв”-ийн нээлтийн үйл ажиллагаа өнөөдөр боллоо.

Нээлтийн үйл ажиллагаанд Нийслэлийн Засаг дарга бөгөөд Улаанбаатар хотын Захирагч Д.Сумъяабазар, Сонгинохайрхан дүүргийн ИТХ-ын дарга Б.Хуягбаатар, Сонгинохайрхан дүүргийн Засаг дарга Н.Алтаншагай, Хөдөлмөр, Нийгмийн хамгааллын яамны гэр бүлийн бодлого хэрэгжилтийг зохицуулах газрын хүүхэд, залуучуудын хөгжлийн хэлтсийн дарга М.Цогтбаатар болон бусад албаны төлөөллүүд, иргэдийн хамт оролцлоо.

Нээлтийн арга хэмжээнд уригдан ирсэн зочид тус төвийн үйлдвэрлэл, сургалт, борлуулалт үйлчилгээний хэсэгтэй танилцав.

Тус төв нь эрэгтэйчүүдийн нийтлэг эрх ашгийг дэмжих, хамтын ажиллагааг бэхжүүлэх, эрэгтэйчүүдийн хөдөлмөр эрхлэлтийг дэмжих, жендэрийн тэгш байдлыг хангах, нийгэм дэх эрэгтэйчүүдтэй холбоотой сөрөг үзэгдлийг хамтын оролцоо, нөлөөллийн аргаар бууруулах зорилготой үйл ажиллагаагаа явуулж байна.

Одоогийн байдлаар 20 хүнийг байнгын ажлын байраар хангасан бөгөөд үйлдвэрлэл эрхлэгч 32 иргэний 80 гаруй төрлийн бүтээгдэхүүнийг борлуулалт, үйлчилгээний хэсгээр дамжуулан худалдаалж өрхийн бизнесийг дэмжиж байна. Мөн үйлдвэрлэл сургалтын хэсэг болох Гар урлал, Модон эдлэл, Алт мөнгөний дархан, Оёдол, эсгүүр, Гар утасны засвар зэрэг мэргэжлийн сургалтад иргэдийг хамруулж нэг жилийн хугацаанд 252 хүнийг сурган ажлын байранд зуучлах юм.

Эрэгтэйчүүдийн хөгжлийн төвийн үйлдвэрлэл, сургалтад амжилттай хамрагдсан иргэд өөрсдийн үйлдвэрлэлийг эхлүүлэх бүрэн боломжтой ба бараа бүтээгдэхүүнээ тус төвөөр дамжуулан зах зээлд гаргах нөхцөлөөр хангагдана. Иргэд энэхүү төвд гишүүнчлэлтэй болсноор өөрсдийн ур чадварыг хөгжүүлэн, оролцооны клубүүдэд нэгдэх, баг хамт олонтой болох, соёл, спортын арга хэмжээнд оролцох, гарааны бизнесийг дэмжих төсөл хөтөлбөрүүдэд хамрагдах зэрэг хэд, хэдэн чиглэлээр нийгмийн оролцоогоо сайжруулах боломжтой талаар Сонгинохайрхан дүүргийн Засаг дарга Н.Алтаншагай хэллээ.


Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.57.92.242
хоцрогдлоо гэсээр байтал харин сонгинохайрхан гайгүй дүүрэг боллоо
Хариулах
59.153.86.60
Схд т энэнээс өөр зөндөө хийх ажил бий шинэ дарга нэг иймэрхүү юм хийсэн болж хуурч бнадаа
Хариулах
103.10.23.172
Зүүн захын дүүрэг БАЯНЗҮРХТ хийж хэрэгжүүлж байгаа ажил байна уу, Жавхлан гуайг сонгож 4 жил алдаж сурталчилгаан хийж зөгнөсөн юм шиг морь мал хонь ямаанаасаа салаагүй шахуу, хөгжил гэж байхгүй, бүтээн байгуулалт байхгүй 10-д жил болж байна даа ШАР ХАД, УЛИАСТАЙ ХЭСЭГ. Хэдэн эвдэрхий машин зардаг зах, талбай хог шороо, гээл хотын муу муухай бүхэн л байна даа.Хотын дарга нэг очино байгаа.Нөгөө дүүргийн захирагч нь хэн билээдээ байз нэрийг нь мэдэхгүй юм байна, хийж гийгүүлэх юм алга, хот доторх хөдөө байна цаана чинь.
Хариулах