2021/11/27
USD 2,811

МАН-ын бүлэг: Засгийн газар Богд Зонховын хөшөөний санхүүжилтийг царцаахаар болсон

Ш.АДЪЯАМАА
2021/11/22

УИХ дахь МАН-ын бүлгийн хурлаар Газрын тосны бүтээгдэхүүний тухай хуульд нэмэлт, өөрчлөлт оруулах төсөл болон Нийслэлийн автозамын түгжрэлийг бууруулах чиглэлд хийгдэх ажлуудын талаар хэлэлцжээ.

Энэ талаар МАН-ын бүлгийн дарга Д.Тогтохсүрэн мэдээлэл өглөө. Тэрбээр "Газрын тосны бүтээгдэхүүний тухай хуульд нэмэлт, өөрчлөлт оруулах төсөлд байгаа нэг асуудал нь онгоцны шатахуун. Засгийн газар өнгөрсөн сард хуралдаад хувийн хэвшлийнхний хариуцаж байсан онгоцны шатахууныг төрийн өмчит компаниар дамжуулж явуулах нь зүйтэй хэмээн УИХ-д хуулийн төслийг өргөн барьсан. “Эрдэс ойл” хэмээх төрийн өмчит компани ОХУ-ын Роснефть компанитай хамтран онгоцны шатахууны нийлүүлэлтийг нэмэгдүүлэх, үнэ бууруулах зорилготой байна. Хувийн хэвшлүүд хийгээд эхлэхээр дэлхийн зах зээлээс тонн тутамдаа 187-225 ам.долларын өртөг өндөр байна гэж үзэж байгаа. Тиймээс ОХУ-тай хамтарсан компани байгуулж, үнэ бууруулах арга хэмжээ авахын тулд нэмэлт өөрчлөлт хийж байгаа. Үүнийг Засгийн газар яаралтайгаар өргөн барьсан. Үүнийг МАН-ын бүлэг дэмжсэн. Гэхдээ гэрээнд тусгах хэд хэдэн асуудал байна.

Нэгт, үнийг бууруулах. Хоёрт, зөвхөн олон улсын нисэх онгоц биш, орон нутгийн шатахууны үнийг бууруулах чиглэлд анхаарах. Гуравт, дэд бүтцийн түрээсэнд анхаарах зэрэг асуудлуудыг гишүүд хэллээ.

Нийслэлийн автозамын түгжрэлийг бууруулах нь хамгийн том тулгамдаж буй асуудал. Засгийн газраас түгжрэлийг бууруулахад онцгой анхаарал тавьж байгаа. Үүнтэй холбогдуулан нийслэлд юу хийхээр төлөвлөсөн талаар Нийслэлээс сонслоо. УИХ дээр Нийслэлийн хөгжлийн түр хороо гэж бий. Тиймээс МАН-ын бүлгээс энэхүү түр хороо нийслэлийн автозамын түгжрэлийг бууруулах үйл ажиллагаанд хяналт тавьж ажиллах нь зүйтэй хэмээн шийдвэрлэлээ. Нийслэлээс хэрэгжүүлж буй үйл ажиллагааг хурдан шуурхай хэрэгжүүлж, тодорхой бодит үр дүнд хүрэх шаардлагатай гэдэгт олон гишүүн санал нэгтэй байлаа.

Үүний дараа тэрээр сэтгүүлчдийн асуултад хариуллаа.

-Ирэх оны төсөвт оруулсан “Богд Зонхова” хөшөөний асуудлыг бүлгийн хурлаар авч хэлэлцсэн үү?

-Бүлгийн хурлаар яриагүй. Засгийн газраас мэдээлэл хийсэн байх. Энэ асуудлыг Засгийн газар оруулж ирсэн байна. Нийгмээс хүчтэй шүүмжлэл ирж байгаа. Засгийн газраас энэ хөрөнгийг царцаах нь зүйтэй гэсэн шийдвэр гаргаж, өөр салбарт зарцуулах талаар Засгийн газар мэдээлэл хийх байх. УИХ ийм санал гаргаад баталсан юм биш.


Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.89.17
Бурханы нэрээр мөнгө идэж байгаа хулгайч нарыг бурхан өршөөг!
Хариулах
202.9.46.61
гоё жүжиг чид аль эрт эхлүүлсэн хэрүүүл намжтал хүлээнэ гэнээээ тэнэгүүүдэээ
Хариулах
84.42.168.86
Хуцаарай
Хариулах
202.179.27.192
ireeduigee harval ug ni ih heregtei tusul sanagdah ium. 30 aad ond busdiin nuluuguur baigaagaa ustgasan. yavaandaa mongol burhnii shashnii tuv boloh ireedui bii. alsdaa dalai lam mongoloos turuh magadlal baigaa. shashniig muhar suseg talaas n harmaargui baina. iluu soen gegeeruuleh talaaas n harah heregtei. soshialaar denduu dairch uls tur bolgochvuudaa.ayalal juulchlal bas dagaad hugjih bolomjtoi. ireedui ye maani ene tzagiinhnaar baharhah l baisan baih. hushuu bish bur surgal sudalgaa gegeerliin tuv mayagaar barih heregtei
Хариулах
202.21.126.195
Болио МАН-хаан.Арай л иргэдээ үл тоох юм аа.Эрүүл мэнд чухал уу хөшөө барилга байшин чухал уу ухаараачээ энэ засгийн сайдууд дарга нар
Хариулах