МАН-ын Удирдах зөвлөлийн хуралдаан боллоо. Хуралдаанаар Их хурлынхаа товыг тогтлоо. Эх сурвалжийн мэдээлснээр МАН Их хурлаа ирэх сарын 06-нд хийж, Л.Оюун-Эрдэнийг намын даргаараа батламжлах аж.
Мөн Их хурлаар хэлэлцэх гол асуудал нь хүний эрхийг хамгаалах чиглэлд МАН цаашид хэрхэн ажиллах уу гэдгийг хэлэлцэхээр төлөвлөжээ. Ингэхдээ улс төрийн намуудаас хүний эрхийг хамгаалах ажлыг эхлүүлэх аж. Хоёрдугаарт, авлига, албан тушаалд холбогдсон албан тушаалтнуудыг ажлаас нь шууд чөлөөлдөг байх уг асуудлыг МАН Их хурлаараа эцэслэн шийдвэрлэхээр төлөвлөжээ.
Ерөнхий сайд Л.Оюун-Эрдэнэ Авлигын эсрэг үндэсний хороог ахалдаг бөгөөд авлигтай хатуу тэмцэхээ илэрхийлсэн. Ингэж байж авлигад цэг тавихгүй бол Монгол Улсад хэн ч хөрөнгө оруулахгүй, бизнесийн энгийн орчин бүрдэхгүй. Тиймээс хатуу байна гэдгээ илэрхийлсээр байгаа. Тэрбээр энэ тухай хэлэхдээ "Авлигын эрүүгийн хууль хөнгөн юм билээ. Хэрэг хийчхээд гадагшаа гараад явчихдаг. Тэндээсээ сүртэй мэдэгдэл хийгээд явдаг. Цаашдаа үүнийг цэгцлэх ёстой. Авлигын хэрэг хийчхээд хялбаршуулсан журмаар шийдэгдчихдэг, ял нь хөнгөн тул авдаг энэ бүхнийг өөрчлөнө" гэдгээ мэдэгдсэн.
Тэгвэл үүнийг намынхаа Их хурлаар хэлэлцэх бололтой.
Сэтгэгдэл (0)
Сэтгэгдэл бичигдээгүй байна