Японы Засгийн газар цар тахлын үед иргэдэд үзүүлэх санхүүгийн нэмэлт тусламж болгож 1,8 их няд йен буюу ойролцоогоор 15,8 тэрбум доллар нэмж төсөвлөхөөр болсон байна. Энэ тухай “Yomiuri” сонин мэдээлсэн байна.
Эхний ээлжид иргэний хуванцар үнэмлэхтэй хүн бүр 20 мянга хүртэлх иен авах боломжтой болох юм байна. Иргэний хуванцар үнэмлэхийг банкны карттай холбон цаашид эрүүл мэндийн даатгалын үнэмлэх гэх мэтээр универсал төлбөрийн хэрэгсэл болгон ашиглахыг зөвшөөрсөн тохиолдолд энэ мөнгийг хэд хэдэн хуваан шилжүүлэх юм байна. Ингэснээр Японд бүх төрлийн гүйлгээ, төлбөрт ашиглах боломжтой иргэний нэгдсэн үнэмлэхийг илүү хурдацтай нэвтрүүлэх боломжийг давхар бүрдүүлж байгаа аж. Одоогоор Японд ийм нэгдсэн үнэмлэхтэй иргэд оршин суугчдын 39 хувийг эзэлж байгаа юм байна.
Японы Засгийн газар энэ сарын 19-нд улсын эдийн засаг ба иргэдийн цар тахлын үед дэмжих шинэ багцыг батлаад байсан юм. Нийт 78,9 их наяд иений багцын 55,7 их наядыг Засгийн газраас гаргаж үлдсэн 23,2 их наяд иенийг хувийн компаниуд хөрөнгө оруулалт хэлбэрээр гаргах юм байна.
Энэ мөнгийг корона вирусийн тархалтаас сэргийлэх, нийгэм эдийн засгийн үйл ажиллагааг сэргээх, эрэлтийг урамшуулах, иргэд ба бизнесийг дэмжихэд зарцуулна. Тухайлбал, 18-аас бага насны хүүхэдтэй гэр бүлүүдэд хүүхэд тус бүрд 100 мянган иен өгнө.
27°C
Сэтгэгдэл (6)