ТЕГ-ын Мэдээллийн аюулгүй байдлын газрын дарга Э.Эрдэнэ өнөөдөрУИХ-ын байнгын хорооны хуралдаанд мэдээлэл хийх үеэрээ "2.3 сая иргэний мэдээлэл гэдэг асуудал нь хакеруудын алдагдсан мэдээллийг зардаг хар зах маягтай сайт байдаг. Энэ сайт дээр зарагдаж байсан мэдээлэл байгаа. Энэ мэдээлэл нь аравдугаар сарын 6-нд анх тухайн сайтад тавигдсан. Тус асуудлыг манайхаас шалгах ажлын хэсэг гараад ажиллаж байна.Тавигдсан мэдээллээс эхний ээлжид харахад, Хаан банкны мэдээлэл гэдэг нь дансны дугаар болон ил тавигдсан мэдээллээс дүгнэж болохоор байгаа. Цааш шалгаж байгаа учраас энэ асуудлаар нийтэд мэдээлэх боломжгүй байна. Шаардлагатай бол энэ талаарх мэдээллийг УИХ-д танилцуулж болно" гэсэн мэдээллийг өгсөн билээ.
Энэхүү мэдээллийг дагуу бид Хаан банкнаас тодруулах гэсэн боловч татгалзав.
Сэтгэгдэл (0)
Сэтгэгдэл бичигдээгүй байна