Ерөнхий сайдаас өгсөн чиглэлийн дагуу УОК цаг үеийн асуудлаар хуралдах гэж байна. Тодруулбал, шинэ төрлийн мутацид орсон ковидтой холбогдуулж УОК-ын хурал 11:00 цагт хурал зарлажээ.
Дэлхийн эрүүл мэндийн байгууллага /ДЭМБ/ коронавирусний шинэ хувилбарыг “Омикрон” гэж нэрлэснээ мэдэгдсэн. “Энэ хувилбар нь маш олон мутацитай бөгөөд халдвар авах эрсдэл дельта вирусээс хэд дахин өндөр гэж үзэж буй. Өмнөд Африкт анх арваннэгдүгээр сарын 24-нд илэрсэн уг халдвар одоогоор Ботсвана, Хонконг, Израил, Бельгид илрээд байна. Үүнтэй холбоотойгоор зарим орон агаарын хилээ хаагаад байна.
"УОК шинэ хувилбарын талаарх тодорхой зөвлөмж, шийдвэр гаргахаар судалж, бэлтгэж байна" хэмээн Ерөнхий сайдын хэвлэлийн төлөөлөгч Ч.Болортуяа өөрийн цахим хуудаснаа мэдээлсэн.
Сэтгэгдэл (0)
Сэтгэгдэл бичигдээгүй байна