2022/05/19
USD 2,811

Хятад Омикроноос болж онцгой арга хэмжээ авахгүй

М.Төгөлдөр
2021/11/29

Онцгой халдвартай, илүү аюултай гэгдэж буй “омикрон” гэж нэрлэгдсэн корона вирусийн шинэ мутаци тархаж эхэлсэн нөхцөл байдлыг БНХАУ анхааралтай ажиглаж байгаа ч одоохондоо хөл хорионы онцгой нэмэлт арга хэмжээ авах бодолгүй байгаа тухай “South China Morning Post” сонин мэдээлсэн байна.

Хятадын тархвар судлалын толгой мэргэжилтнүүд энэ талаар “South China Morning Post” сонинд байр сууриа танилцуулжээ. Хятадын тархвар судлалын тэргүүлэгч эмч Чжун Наньшань омикроны талаар ярихдаа “Энэхүү мутацид орсон шинэ хувилбар нь цоо шинэ. Түүнийг хэр аюултай, хэр хурдан тархах ба өвчнийг илүү хүнд хэлбэрийн болгох эсэх, түүний эсрэг тусдаа шинэ вакцин бүтээх эсэх талаар бид үнэлгээ өгнө. Одоохондоо дүгнэлт хийхэд эрт байна” гэсэн байна. Гэхдээ эхний ээлжид Хятад нь Өмнөд Африкаас ирж байгаа хүмүүст илүүтэй анхаарал хянал тавих шаардлагатай гэдгийг тэрээр онцолжээ.

БНХАУ-ын Өвчний хяналт ба олныг хамарсан өвчнөөс урьдчилан сэргийлэх төвийн Ерөнхий тархвар судлаач У Цунью нь Хятад цаашид омикроны хувьд байдал ямаршуу болж өөрчлөгдөхийг хүлээж, анхааралтай ажиглах бөгөөд одоо үйлчилж байгаа хилийн хатуу хяналтыг өөрчлөхгүй гэдгийг хэлээд “Омикрон нь ноёлох хувилбар болж чадах эсэх нь зөвхөн цаашдын ажиглалын явцад тодорхой болно” гэсэн байна.

Шанхай хотын Ерөнхий вирус судлаач Чжан Вэньхун нь омикрон нь хүмүүсийн яриад байгаа тэгтэл онцгой аюултай эсэхийг тодорхойлохын тулд ойролцоогоор хоёр долоо хоног шаардлагатай гэж мэдэгдсэн байна. Тэрээр энэ талаар ярихдаа “Одоогоор Хятадад омикрон хурдацтай тархана гэсэн ноцтой аюул байхгүй. Одоо үйлчилж байгаа хариу арга хэмжээ авах стратеги нь корона вирусийн шинэ хувилбаруудын тархалтыг зогсооход хангалттай” гэсэн байна.

Иймд Хятадад үйлчилж байгаа тэртээ тэргүй туйлын хатуу хөл хорионы дэглэмийг улам чангатгаж, бараа таваарын хомсдолыг улам лавшруулна гэх болгоомжлол үндэслэлгүй гэж болно.

 

 

 


Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
150.129.140.180
Хятад янз бүрийн шалтгаанаар юм л бол манайтай хиллэдэг боомтуудаа хаах гээд байдаг болж дээ. Ирэх хавраас эхлээд нарийн бүдүүн ногоогоо өөрсдөө тарьяа. Алийн болгон хүний царай харж, алгаа тосож амьдрах юм бэ. Манай дарга нарч ичихээ мэдэхгүй гуйх л байх. Ард түмнээ ингэтэл нь залхуу бэлэнчилдэг болгочихсон хүмүүс сонгуулиа бодоод урагшаа хойшоо гуйгаад л гүйлдэх байх даа. Биднийг бага байхад Гуйна гэдэг гутамшиг, гуйлгана гэдэг гайхамшиг гэж ярьдаг байсансан. Одоо ч бараг гуйх нь гайхамшиг болжээ.
Хариулах
202.126.89.168
Manaihiig l dalimduulaad changalchihlaa. zasag tor yu hiigeed bna. Yaria hooroo baihgui yu
Хариулах
139.5.216.79
Эрээний төмөр зам хаана гэсэн мэдээлэл худлаа юм уу. Манайд бол аюул биз дээ.
Хариулах