Өмнөговь аймгийн Иргэдийн төлөөлөгчдийн хурлын дарга Б.Бадраа нь Ханбогд сумын албан тушаалтануудтай хуйвалдан “Цагаан хад” суурьшлын бүсэд хууль бусаар газар авч Хятад улсын иргэдэд өндөр үнээр худалдсан хууль бус үйлдлийг Цагдаагийн байгууллагаас тогтоож шалгалтын ажиллагаа явуулжээ.
Б.Бадраа нь Өмнөговь аймгийн нутагт хууль бусаар газар эзэмших үйлдэлдээ эхнэр Б.Сайнжаргал, төрсөн хүү Б.Наранболд нарыг татан оролцуулж хамтран үйлджээ.
Б.Бадраа, Б.Наранболд нарын гэрт прокурорын зөвшөөрлөөр нэгжлэг хийх явцад эх үүсвэр нь тодорхойгүй хууль бусаар олсон их хэмжээний бэлэн мөнгө, юань, үнэт эдлэл, зөвшөөрөлгүй галт зэвсэг, сум гарчээ. Иргэдийн төлөөлөгчдийн хурлын дарга Б.Бадраа нь хууль бусаар олсон мөнгөөр Улаанбаатар хотын Хан-Уул дүүрэгт өндөр зэрэглэлийн олон тооны орон сууц, үл хөдлөх хөрөнгө, өндөр үнэтэй автомашинууд худалдан авч, мөрийтэй тоглож, хууль бусаар олсон мөнгийг хувиргаж, мөнгө угаах гэмт хэрэг үйлдсэн гэж хуулийн байгууллагаас үзэж түүний хүү Б.Наранболдыг нь цагдан хорих 0461-р ангид саатуулан, шалгалтын ажиллагааг үргэлжлүүлж явуулж байгаа аж.
Сэтгэгдэл (0)
Сэтгэгдэл бичигдээгүй байна