2022/01/16
USD 2,811

Омикроны тархалтыг зогсоож дийлэхгүй гэдгээ хүлээв

М.Төгөлдөр
2021/12/02

Корона вирусийн шинэ хувилбар болох омикроны тархалтын бүрэн зогсоох боломжгүй тул авч байгаа арга хэмжээ нь COVID-19-ийн шинэ хувилбарын тархалтыг аль болох урт хугацаанд тогтоон барихад чиглэсэн. Ийм мэдэгдлийг Европын комиссын хэвлэлийн албаны Эрик Мамер хийжээ.

Тэрээр хэлэхдээ “Вирусийг Европ эсвэл дэлхий өөр нэг тийш нэвтрүүлэхгүй байхын тулд зарим нэг арга хэмжээг авч байгаа юм биш. Тэгэх боломжгүй гэдгийг бүгд ойлгож байгаа учраас тархалтыг аль болон удаашруулж, Европын эрүүл мэндийн албад, вакцин нийлүүлэгчдэд дасан зохицох хугацаа олгох хэрэгтэй” гэжээ.

Өөрөөр хэлбэл Европын холбоо нь “Дельта” хувилбар газар авч давлагаалсантай адилаар омикрон ч мөн адил давамгайлна гэдгийг хүлээн зөвшөөрсөн байна. Гэхдээ хөл хорио, карантин гэх мэт арга хэмжээ авах замаар вакцин үйлдвэрлэгчид омикроны эсрэг үр дүнтэй бүтээгдэхүүн гаргах хүртэл тархалтыг нь аль болох удаашруулна гэсэн байна.

Энэ бол туйлын зөв бөгөөд прагматик байр суурь гэдгийг шинжээчид онцолж байна. Омикроныг хэн хаанаас нэвтрүүлэв, хэн карантин зөрчив гэж буруутныг хайхад хайран цаг, боломжийг алдалгүйгээр илүү үр дүнтэй вакцин гаргахад голлон анхаарах нь хамгийн зөв алхам болно гэжээ.


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.21.118.210
дахиад л давалгаа үүсэх нь дээ
Хариулах
202.131.225.34
ok
Хариулах