Завхан аймгийн ИТХ-ын тавдугаар хуралдаан өчигдөр эхэлж, хэлэлцэх асуудлын эхний асуудлаар Аймгийн ИТХ дахь Ардчилсан намын нэр бүхий төлөөлөгчдөөс Аймгийн Засаг дарга Д.Түвшинжаргалыг огцруулах тухай саналыг оруулж хэлэлцүүлсэн. Тус аймгийн ИТХ нь 41 төлөөлөгчтэй бөгөөд 22 төлөөлөгч нь МАН-аас, 19 төлөөлөгч нь АН намаас, нэг төлөөлөгч бие даан нэр дэвшиж иргэдийн итгэлийг хүлэээ сонгогдсон байдаг. Төлөөлөгчдийн тоо оролцоо тул тус аймагт улстөржилт маш их байна. Ингээд төлөөлөгчдийн дунд санал хураалтыг хоёр удаа явуулсан. Эхний санал хураалтаар нэг төлөөлөгч зүрх будаж саналын хуудсыг хүчингүйд тооцож, хоёрдахь санал хураалтыг явуулахад төлөөлөгчдийн 53,6 хувь нь буюу 22 төлөөлөгч нь Засаг даргыг огцруулах саналыг дэмжихгүй гэж дугуйлж аймгийг Засаг даргын бүрэн эрх хэвээр үлдсэн.
Өнөөдөр тус аймгийн ИТХ оны төсвөө хэлэлцэж байна.
Түүнчлэн Аймгийн ИТХ-ын дарга асан Ц.Балхярваа нь өнгөрөгч орон нутгийн сонгуулийн өмнөхөн төсвийн хөрөнгөнөөс аймгийн ИТХ-ын төлөөлөгчдийн болон орон нутгийн сонгуульд нэр дэвших нэр дэвшигчдийн ах дүү хамаатан садангийн данс руу улсын төсвөөс нийт 310 сая орчим төгрөгийг шилжүүлж АТГ-т уг асуудал шалгагдаад явж байгаа аж. Мөн Сайн бизнесмен хөтөлбөрийн хүрээнд гэх нэрийн дор ямар ч бизнесс хийдэггүй, Завхан аймгийн харьяат хүмүүсийн хувийн данс руу 5 сая төгрөгийн мөн орон нутгийн сонгуулийн өмнө шилжүүлжээ.
Хуулиараа бол АН-ын нэр бүхий төлөөлөгчид улсын мөнгийг буцааж төлөөд, төлөөлөгчийн бүрэн эрх түдгэлзэх ёстойг ч ИТХ дахь МАН-ын төлөөлөгчид хөндөж байлаа.
Сэтгэгдэл (0)
Сэтгэгдэл бичигдээгүй байна