2022/05/25
USD 2,811

МАН-ын Их хуралд 1080 төлөөлөгч оролцож байна

Ш.АДЪЯАМАА
2021/12/06

МАН-ын Их хуралд оролцож зохих 2054 төлөөлөгчөөс 1080 төлөөлөгч оролцож 81 хувийн ирц бүрдсэн тул МАН-ын Их хурал албан ёсоор эхэллээ. Их хурлыг удирдан явуулах Тэргүүлэгчдийн даргаар УИХ дахь МАН-ын бүлгийн дарга Д.Тогтохсүрэн, Нарийн бичгийн даргаар ХНХ-ын сайд А.Ариунзаяа, Тэргүүлэгчдээр УИХ-ын гишүүн Ц.Мөнхцэцэг, УИХ-ын гишүүн Н.Учрал, Ж.Чинбүрэн, ХЗДХ-ийн дэд сайд Б.Солонго нарыг дэвшүүлэн, дэмжигдлээ. 

 -Мандатын комиссын даргаар УИХ-ын гишүүн Д.Сарангэрэл,

-Нарийн бичгийн даргаар МАН-ын Удирдах зөвлөлийн намын байгуулалтын газрын дарга Б.Пүрэвдагва

-Гишүүдээр УИХ-ын гишүүн Э.Батшугар, МАН-ын Удирдах зөвлөлийн хүний нөөц, цахим бүртгэлийн хэлтсийн дарга Ч.Сүнжидмаа,  Хэнтий аймгийн ИТХ-ын төлөөлөгч Г.Хэрлэнчулуун нарыг сонголоо.

МАН-ын Их хуралд хамгийн өндөр настай нь 92 настай Г.Очирбат болон хамгийн залуу 22 настай гишүүд Н.Булгантамир, Н.Мөнгөнбат нарт хүндэтгэл үзүүллээ. 

Намын их хурлаар нийт есөн асуудал хэлэлцэх бөгөөд яг одоо намын даргын улс төрийн илтгэлийг сонсож байна. 




Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.212.119.91
arai denduu um
Хариулах