2022/05/19
USD 2,811

АННА кашемир брэнд “BEST LUXURY WEAR 2021” шагнал хүртэж, Монгол ноолуурыг тансаг бүтээгдэхүүний зах зээлд танилцууллаа

М.Төгөлдөр
2021/12/06

АНЭУ-ын Дубай хотод болж өнгөрсөн “IFE Dubai” буюу Олон улсын загварын долоо хоногт Монгол Улсаас анх удаа АННА кашемир брэнд оролцсон байна. Долоо хоногийн турш үргэлжилсэн уг арга хэмжээнд дэлхийн өнцөг булан бүрээс 5000 гаруй загвар өмсөгч оролцож, Дубайд нэгдсэн бөгөөд 2022 оны хаврын коллекцийг биечлэн тэмдэглэхээр болж, дэлхийд алдартай FTV, IRIS luxury tv гэх мэт олон улсын хэвлэл мэдээллийн хэрэгслүүд энэхүү арга хэмжээг онцолсон байна. 

АНЭУ-ын 50 жилийн ойг тохиолдуулан АНЭУ-ын хамгийн нөлөө бүхий 30 загвар зохион бүтээгч болон Хатан хааны гэр бүлийн гишүүд болон эрх мэдэлтнүүдэд Олон улсын загвар ба шилдэг бүтээлийн шагнал гардуулсан байна.

Үүнээс АННА кашемир брэнд нь “BEST LUXURY WEAR 2021” шагнал хүртэж, амжилттай оролцон Монгол ноолуурыг Дэлхийн тансаг бүтээгдэхүүний зах зээлд танилцуулжээ.

Саяхан Дубайд зохион байгуулагдсан Олон улсын загварын долоо хоногийн тайзан дээр Монгол ноолуурыг дэлхийн luxury зах зээлд таниулсан АННА кашимер брэнд нь Монголиан кашемир корпорейшнтэй хамтран крипто хөрөнгийн зах зээл дахь шинэ төрлийн цахим санхүүгийн бүтээгдэхүүн болох Mongolian Cashmere Coin-ыг гаргажээ.

Энэхүү MCcoin-аар дамжуулан ноолуурын экосистемийг үүсгэн уг салбарын орлогыг койноор дамжуулаад салбарт оролцогч талуудад тэгш, хүртээмжтэй хүргэх боломжтой гэдгээрээ давуу талтай бөгөөд олон улсын бирж дээр гарах төлөвлөгөөтэй ажиллаж байна.

MCcoin нь олон талт reward систем буюу хадгалах тусам илүү өсөх staking reward, staking options санал болгож байгаагаараа давуу талтай. Мөн ноолуур бэлтгэн нийлүүлсэн малчин тус бүрт ноолуурын хэмжээтэй шууд хамаарч Airdrop буюу loyalty хэлбэрээр койн тархаан байршуулах, жил бүр түүхий эд болон эцсийн бүтээгдэхүүний борлуулалтын цэвэр ашгаас ийн ногдол ашиг шууд хуваарилахаар whitepaper-тээ тусгасан байна.

 


 

 

 

 

 

 

 

 

 

 



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна