Британийн парламентад байранд хар тамхи, мансууруулах бодис хэрэглэх явдал эрс нэмэгдсэн тухай “Times” бичсэн байна.
Зөвхөн парламентын үнэмлэх бүхий хүмүүс нэвтрэх боломжтой газруудад кокаины ул мөрийг илрүүлснээс хойш Вестминстер буюу парламентын ордон доторх хар тамхи хэрэглэх үзэгдлийг мөрдөн байцаахаар болсон тухайгаа Төлөөлөгчдийн танхимын спикер Линдсей Хойл мэдэгджээ. Түүнчлэн парламентын захиргааны хороог тэргүүлдэг гишүүн Чарльз Уокер нь парламентын ордон дотор мансууруулах бодис хэрэглэх үзэгдлийг дараа долоо хоногт Төлөөлөгчдийн танхимын тусгай хуралдаанаар авч хэлэлцэхээр болсон тухай албан ёсоор мэдэгдсэн байна. Тэрээр энэ талаар ярихдаа “Төлөөлөгчдийн танхимд тэсрэх бодис илрүүлэхийн тулд эрэлч нохой ашиглаж байсан эртний түүхтэй. Харин одоо бол албаны нохдын хүрээг тэлэх хэрэгтэй болж байгаа юм шиг байна” гэжээ.
Парламентын байрнууд хоорондын сул зайнд олсны ургамлын үнэр байнга үнэртэх болсон талаарх мэдээллийг парламентын Төлөөлөгчдийн танхимын албаны хүмүүс авсан байна. Үүнээс өмнө парламентын ордны дотор ба түүний эргэн тойронд сүүлийн ганц жилийн дотор мансууруулах бодис наймаалдаг хоёр хүн баривчлагдаж, 13 хүн хар тамхи хадгалсан хэргээр саатуулагдаж байжээ.
Түүнчлэн парламентын бүлэг гишүүд кокаиныг тогтмол хэрэглэдэг тухай мэдээлэл хэд хэдэн эх сурвалжаас иржээ. Парламентын дотор 12 газар хар тамхины ул мөр илрүүлэх шалгалт хийхэд 11-ээс илэрсэн байна. Хамгийн таагүй нь Ерөнхий сайд Борис Жонсон ба Дотоод хэргийн сайдын өрөөнүүдтэй хамгийн ойр байрлах бие засах өрөөнүүдээс кокаины ул мөр илэрсэн байна.
Их Британид хар тамхи, мансууруулах бодис хадгалсан хүнд дээд тал нь долоон жил жил хорих ял оноодог аж.
Сэтгэгдэл (0)
Сэтгэгдэл бичигдээгүй байна