БНХАУ цар тахлын халдварыг хумих зорилгоор авч хэрэгжүүлж буй арга хэмжээний хүрээнд Монгол Улстай хиллэдэг Эрээн хотын боомтоор гардаг экспорт, импортын бүх бүтээгдэхүүн, ачаа барааг ковидын халдвар дамжих нөхцлийг бүрдүүлэхгүй байх зорилгоор чингэлэг тээврээр шийдвэрлэхээр болсон.
Тус шийдвэртэй холбогдуулан Замын-Үүд, Эрээн хотуудад чингэлэг байршуулах талбай байгуулж, чингэлэг өргөж буулгах калмарын тусламжтайгаар жолооч нар машинаасаа буухгүйгээр ачаа барааг зөөвөрлөх тохиролцоонд хоёр улс хүрсэн. Өчигдрөөс чингэлэг тээвэрлэлт явагдах байсан боловч дахин хойшлогдсон. Энэ талаар Сангийн сайдаас тодруулахад тэрбээр " Манай талаас техникийн бүх бэлтгэл ажил хангагдсан. Урд хөршөөс явуулж эхлэх хариуг нь хүлээж байна" гэсэн тайлбарыг өглөө.
Мөн ЗТХ-ийн сайд Л.Халтар "Дундын бүс дээр цаанаас орж ирэх чингэлэгтэй ачаа тээврийг шилжүүлж буулгах ажлыг хангасан. Чингэлэг өргөж буулгах калмар оруулж ирсэн. Замын-Үүд, Эрээн хотуудад чингэлэг байршуулах талбайд айлын талаас камержуулалт, гэрэлтүүлгийн ажлыг хийсэн. Манай талаас Улаанбаатар руу тээвэрлэх тээврийн хөлсийг жолооч нартай тохироод ажил эхлүүлэхэд бэлэн болсон. Эрээний талаас хилээ нээх саналыг нь хүлээж байна" гэлээ.
21°C
Сэтгэгдэл (19)