Дэлхийн зэвсэглэлийн зах зээл АНУ нь №1 зэвсгийн экспортлогч улс хэвээр байна. “SIPRI”-д зэвсэглэлийн үйлдвэрлэгч гэсэн бүртгэлтэй АНУ-ын 41 компанийн нийт борлуулалт 285 тэрбум доллар болсон нь дэлхийн хэмжээний 100 том компанийн нийт борлуулалтын 54 хувь болжээ. Зөвхөн “Lockheed Martin” компани гэхэд л 2020 онд 58 тэрбум долларын батлан хамгаалах чиглэлийн бүтээгдэхүүн борлуулжээ. Үүнээс гадна АНУ нь ОХУ, БНХАУ гэсэн боломжит дайснуудын зүгээс ирж болзошгүй аюулаас сэргийлэхийн тулд батлан хамгаалах салбартаа маш идэвхтэй асар их хөрөнгө оруулалт хийж байна.
Батлан хамгаалах дах тоон технологи
“SIPRI”-ийн шинжээчид А.Маркштайнерийн ярьж буйгаар сүүлийн жилүүдэд “Google”, “Microsoft”, “Oracle” гэсэн Америкийн Цахиурын хөндийн аварга том IT компаниуд цэргийн аж үйлдвэрлэлтэй улам ихээр хамтран ажиллах болжээ. Жишээлбэл, АНУ-ын Батлан хамгаалах яам нь тулааны талбарын талаарх бүх л чухал мэдээллийг онлайнаар харуулж байдаг “Integrated Visual Augmentation System” гэж нэрлэгдсэн тусгай нүдний шил худалдан авах 22 тэрбум долларын гэрээг “Microsoft” компанитай байгуулсан.
Энэ мэт олон жишээ байгаа бөгөөд хиймэл оюун ухаан, үүлэн технологи, компьютер сургалт гэх мэт орчин үеийн технологи нь уламжлалт батлан хамгаалах аж үйлдвэрлэлийн боломж чинээнээс хол давж гарсан олон ноу-хау-г санал болгож чадна гэдгийг армийнхан, БХЯ-ын албан тушаалтнууд сайтар ойлгож авсан учраас цаашид энэ чиглэлд хийх хөрөнгө оруулалт улам өсөх аж.
Европын үйлдвэрлэгчид үзүүрлэж байна
Дэлхийн зэвсгийн хамгийн том 100 компанийн дунд Европын 26 компани багтжээ. Эдгээр компанийн нийт борлуулалт нь 2019 оноос хойш 1 хувиар өсөж, 109 тэрбум долларт хүрээд байгаа юм байна.
Европын компаниуд дундаа Британийн зэвсэг үйлдвэрлэгчид хамгийн их орлоготой буюу 37,5 тэрбум долларын орлоготой ажилласан. Удаах байранд 24,7 тэрбум долларын орлоготой ажилласан Францын зургаан компани орсон бол 13,8 тэрбумын орлоготой хоёр компанитай Итали гуравдугаарт оржээ.
Германы хувьд дөрвөн компани нь дэлхийн зэвсгийн шилдэг 100 компанийн тоонд багтсан. Энэ дөрвөн компани нь 2020 оны байдлаар 8,9 тэрбум долларын зэвсэг, зэвсэглэл худалдсан нь 2019 оныхоос 1,3 хувиар их үзүүлэлт.
21°C
Сэтгэгдэл (2)