Уг төслийн хүрээнд тусгай хэрэгцээт хүүхдийн сургууль болох 63-р сургуулийн 200 гаруй хүүхдийг амны хөндийн үзлэгт хамруулж, эмчилгээ хийлгэх шаардлагатай хүүхэд бүрийн шүдний эрүүл мэндийн асуудлыг 100% хариуцаж эмчлэхээр болсон юм.
Юун түрүүнд уг төслийг санаачлан, үзлэгт хамрагдсан хүүхэд бүрийн шүдний эрүүл мэндийг хариуцаж 100% үнэ төлбөргүй эмчилэхээр болсон Good smile шүдний эмнэлэг-ийн захирал П.Билгүүндэги танд хүүхэд багачуудын нэрийн өмнөөс гүнээ талархал илэрхийлье.
Мөн төслийг хамтран хэрэгжүүлсэн "ЧИХЭРЛЭГ ИРЭЭДҮЙ" ТББ болон "ХОББИ РОТРАКТ"-клуб, “МӨРӨӨДӨЛД ХӨТЛӨХ ЭРҮҮЛ МОНГОЛ САН” -ийн хамт олондоо халуун баяр хүргэе.
Бидний энэ удаагүйн сайн үйлсийн аянд нэгдэж, нийгмийн хариуцлагынхаа хүрээнд дэмжин оролцож, ивээн тэтгэсэн хувь хүн, албан байгууллага болох "СҮҮ" ХК, "АНУН ГОО" ХХК, "СОДА" ХХК, "ЭСҮ ИНТЕРНЭЙШНЛ" ХХК, Хан-Уул дүүргийн ГБХЗХГ-ын хэлтэс, ТХ-Продакшны уран бүтээлч хүүхдүүд, иргэн Энх-Оргил, Билгүүн нартаа дахин дахин талархал илэрхийлье.
"HEALTHY HOBBY" төсөл 63-р сургуулиар дуусахгүй бөгөөд Монгол Улсын хэмжээнд үйл ажиллагаа явуулж буй нийт 6 тусгай хэрэгцээт сургуулийн сурагчдыг бүрэн үзлэг оношлогоонд хамруулж, шаардлагатай эмчилгээг хийж өгөхөөр болсон болно.
Төслийн хүрээнд хийгдэж буй анхны үйл ажиллагааг хэрэгжүүлэхэд халуун дотно угтан авсан МУГБ С.Эрдэнэбаатар захиралтай Нийслэлийн Ерөнхий Боловсролын 63-р сургуулийн хамт олондоо сайн сайхан бүхнийг хүсэн ерөөе.
21°C
Сэтгэгдэл (0)
Сэтгэгдэл бичигдээгүй байна