Оросын зэвсгийн экспортын компаниудын борлуулалт буурахад хүргэсэн бас нэг шалтгаан нь БНХАУ, Энэтхэг гэсэн уламжлалт худалдан авагчид нь өөрсдийн батлан хамгаалах аж үйлдвэрлэлээ эрчимтэй хөгжүүлсэн явдал гэдгийг шинжээчид онцолсон байна.
“SIPRI”-ийн мэдээгээр дэлхийн топ-100-ийн тоонд орсон Хятадын таван төрийн өмчит компанийн борлуулалт 2020 онд 1,9 хувиар өсөж, 66,8 тэрбум долларын зэвсэглэл борлуулсан байна.
Хятад нь батлан хамгаалах аж үйлдвэрлэлээ хөгжүүлэхдээ Зөвлөлтийн үеийн цэргийн технологийг маш идэвхтэй зээлсэн. Жишээлбэл, нисэх онгоц тээгч үйлдвэрлэх салбарт сүүлийн 20 жилийн дотор Хятад нь ОХУ-ыг гүйцэд түрүүлсэн. Хятад анхны нисэх онгоц тээгчээ төмрийн хаягдал болгон устгалд оруулах гэж байсан Зөвлөлтийн үеийн нисэх онгоц тээгчийг завсарлан өөрийн болгох замаар хийж байсан бол хэдэн жилийн дараа өөрийн гэсэн нисэх онгоц тээгчийг цоо шинээр үйлдвэрлэж чадсан юм.
Ийм жишээ маш олон. Найдвартай, гарын ая даадаг, засвар үйлчилгээний бага шаарддаг гэдгээрээ алдартай Зөвлөлтийн, залгуулаад Оросын зэвсэг, техникийг авах гээд үнийг нь дийлэхгүй байгаа улс орнууд чанар, гүйцэтгэлээр арай доогуур ч гэлээ зүйрлэхээргүй хямд_Хятадын зэвсэг, техникийг худалдан авах шийдвэр гаргадагт гайхах зүйлгүй.
Сэтгэгдэл (0)
Сэтгэгдэл бичигдээгүй байна