2022/05/25
USD 2,811

МАН-ын 30 дахь Их хурал хоёр дахь өдрөө үргэлжилж байна

Ш.АДЪЯАМАА
2021/12/07

МАН-ын Их хурал хоёр дахь өдрөө үргэлжилж байна. Хурлын эхний өдөр намын даргаа сонгосон бол өнөөдөр намын дүрэмдээ оруулах нэмэлт, өөрчлөлтийг батлахаас гадна Хяналтын ерөнхий хорооны гишүүдийг шинээр сонгоно.

МАН энэ удаад дүрмийн өөрчлөлтдөө шинээр 26 заалт, нэмэлт, өөрчлөлт оруулах 20 заалт, өөрчлөн найруулах заалт 26 нийтдээ 72 заалт шинээр оруулахаар дүрмийн төслөө боловсруулжээ.

МАН-ын дүрэмд цахим нам,цахим шилжилттэй холбоотой нэмэлт, өөрчлөлт оруулж буй. Энэ хүрээнд МАН-д элсэх хүсэлтийг бичгээр эсвэл цахим хэлбэрээр гаргана. 

Намын гишүүнээр элсэх хүсэлтийг хүлээн авч намын цахим бүртгэлд бүртгүүлснээр тухайн иргэнийг намын гишүүнээр элссэнд тооцно. 

Намын даргын дэргэд намын бодлого, үйл ажиллагааны уламжлалыг хангах үүднээс Улс төрийн бодлогын зөвлөл ажиллана. Улс төрийн бодлогын зөвлөлийн бүрэлдэхүүнд намын даргаар сонгогдон ажиллаж байсан намын гишүүд багтана. 

Намын даргын санаачилгаар Улс төрийн бодлогын зөвлөлийн гишүүд Удирдах зөвлөлийн өргөтгөсөн хуралдаанд санал таслах эрхтэй оролцож болно. Улс төрийн бодлогын зөвлөлийн үйл ажиллагааны журмыг Удирдах зөвлөлөөс батална.

МАН дүрмийн өөрчлөлтдөө авлига, албан тушаалын гэмт хэрэгтэй тэмцэх асуудал дээр хэд хэдэн зүйлийг онцгойлж оруулж иржээ. Тухайлбал, намаас сонгогдож томилогдсон бүх түвшний албан тушаалтны хариуцлага ёс зүйг дээшлүүлэх, ёс зүй, хариуцлага алдагдуулсан албан тушаалтнуудтай улс төрийн хариуцлага тооцдог байх зарчмыг оруулна гэдгийг МАН-ын генесек Д.Амарбаясгалан мэдэгдсэн. Тодруулбал, илтэд ёс зүйн зөрчил гаргасан, ашиг сонирхлын ноцтой зөрчил гаргасан, авлигын гэмт хэрэг холбогдсон тохиолдолд намын гишүүний эрхийг түдгэлзүүлнэ.

Ашиг сонирхлын ноцтой зөрчил гаргасан үндэслэлээр гишүүнчлэлийн эрх нь түдгэлзсэн намын гишүүнийг авлигын гэмт хэрэгт гэм буруугүйд тооцсон бол намын гишүүнчлэлийг нь сэргээнэ.


Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.40.14
Хммм чёрт
Хариулах
104.149.130.50
ӨДӨР БОЛГОН ӨВЧНӨӨР АРД ТҮМЭН ҮХЭЭД БАЙХАД ХӨШӨӨ МОД ТАНСАГ МАШИНД МӨНГӨ ЗАРАХЫГ ХАРААД ШҮҮМЖЛЭЛ ХЭЛЭХГҮЙ БГАА НЬ ЗҮЙД НИЙЦЭХҮҮ ?????
Хариулах
66.181.161.75
МАНгүйгээр Монгол Улс хөгжихгүй гэдэг нь ойлгомжтой доо 112.236
Хариулах
59.153.112.236
МАН хувалзнууд дараагын идэх уух мөнгөө л ярилцаж байгаа биздээ. Шал худлаа лалрууд та нар байхгүй болчихвод монгол улс өөрөө хөгжчихнө.
Хариулах
66.181.161.29
Toriin 3 ondorlog neg sanaa negdmel zorilgotoi gej oilgoj bn. Uls orniihoo tusgaar togtnol ayulgui baidliig hangaj yalanguya omnod horshdoo tavisan or shiree bagasgah arga hemjee avch ajillahiig hicheenguilen huseye...
Хариулах