Н.Энхбаяр: Хоёр намын нэгдэл бол эв нэгдлийн үлгэрлэл болсон, одоо МАН бүтэн болсон

Ш.АДЪЯАМАА
2021/12/07

МАН-ын Их хурал хоёр дахь өдрөө үргэлжилж байна. Хурлын үеэр МАН-ын ахмад гишүүн Н.Энхбаяр үг хэлсэн юм. Тэрбээр "Бид цар тахалтай тэмцэж буй хүнд үед их хурлаа хийж байна. Тиймээс цар тахлын аюултай нүүр тулан тэмцэж буй бүх хүмүүс, ялангуяа эмч сувилагч, цагдаа, онцгойгийнхонд гүн талархал илэрхийлье. Цар тахлын үед амьдралаа залгуулж, тэмцэж байгаа ард түмэндээ гүн талархал илэрхийлье. Монголын ард түмэн агуу. Нүүдэлчдийн нэг онцлог нь аливаа тулгамдсан асуудлыг, аливаа хүнд асуудлыг боломж бололцоо болгон хувиргаж чаддаг онцгой ард түмэн. Тийм учраас агуу ард түмэн агуу түүхийг бүтээдэг. Агуу түүх өөрөө бүтэн бүрэн байж агуу түүх болдог. Их хурал МАН, МАХН үүсгэн байгуулагдсаны зуун жилийн ойд болж байна. Зуун жил гэдэг агуу түүх  мөн агуу цаг хугацаа. Энэ түүхийн өмнө хэн ч бардамнах эрхгүй. Энэ түүхийг бүтээлцсэн ахмадууд мөн  бүх үеийнхэнд гүн хүндэтгэлээ илэрхийлэх ёстой. Агуу 100 жилдээ мэхийн ёсолцгооё. Агуу түүхийг бүтээхэд эв нэгдэл хэрэгтэй. 100 жилийн босгон дээр нэг түүх, үзэл баримтлалтай хоёр нам нэгдсэн нь түүхэнд чухал үйл ажиллагаа болсон. 

Одоо нам бүтэн болсон. Бүтэн болсон учраас бүтэн түүхээ улам цаашаа идэвхтэй үргэлжлүүлэх бололцоо нээгдсэн гэж үзэж байна. Хоёр намын нэгдэл бол эв нэгдлийн үлгэрлэл болсон. Монголдоо бид эв нэгдэлтэй байж чадна гэдгээ харуулсан тойм үйл явдал болсон. Гэхдээ агуу түүх алдаа оноо аль алийг нь багтаадаг. Бидний оноо бол тусгаар тогтнолоо олж чадсан.  Харин алдаа нь хэлмэгдүүлэлтийг зогсоож чадаагүй. МАН-ын дарга Л.Оюун-Эрдэнэ сэтгэлийн тэнхээ гаргаж, ололтоо онцлон тэмдэглэхийн хажуугаар алдааныхаа төлөө өөрөө биш ч гэсэн түүхэн цаг хугацааг зогсоож чадаагүйн төлөө уучлал гуйсан нь ёс суртахууны том алхам гэж үзэж байна. МАН, МАХН бусдыг уучилж ирсэн нам.
 Хойшуулж болохгүй асуудлуудаа бид өнөөдөр энд ярьцгааж байна.
Энэ зааланд ярьсан болгоноо хойшлуулж болохгүй нөхөд өө. Шийдсэн болгоноо маргаашнаас эхлэн шууд хариуцан хийнэ шүү гэдгээ бие биедээ дахин дахин сануулъя. МАН, МАХН хэзээ ч  хариуцлагаас зугтаж байгаагүй. Өөсрдийнхөө хийх ёстойгоо хийж ирсэн учраас МАН-ын түүхийн амин холбоо үргэлжилсэн хэвээр байна" гэлээ.



0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 3 цагийн өмнө
Ирэх сард ихэнх нутгаар хүйтэн байна 4 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 5 цагийн өмнө
Зам засварын ажил ирэх сарын 10-наас эхэлнэ 6 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 6 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 8 цагийн өмнө
Сурагчид өнөөдөр хичээллээд амарна 8 цагийн өмнө
Танилц: Өнөөдөр цахилгаан хязгаарлах байршлууд 8 цагийн өмнө
Ойрын хоёр хоногтоо салхитай хүйтэн байна 8 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр