МАН-ын Их хурлын үр дүнгийн талаар тус намын удирдлагууд мэдээлэл хийлээ. Хоёр өдөр үргэлжилж буй уг хурлаар нийтдээ 10 асуудал хэлэлцэхээс есийг нь хэлэлцэж дуусчээ. Үдээс хойших хуралдаанаар Хяналтын ерөнхий хорооны гишүүд болон Бага хурлын гишүүдийг шинээр батална.
УИХ дахь МАН-ын бүлгийн дарга Д.Тогтохсүрэн Их хурлын үр дүнгийн талаар өгсөн мэдээлэлдээ тэрбээр “Их хурлаар нийт 10 асуудал хэлэлцэх байсны есөн асуудлыг хэлэлцэж дуусаад байна. Асуудлынхаа 90 хувийг хэлэлцэж дуусаад байна.Үдээс хойш намын бага хурлыг сонгох, хяналтын хороог сонгох асуудал үлдлээ. Нийт долоон тогтоолыг өчигдөр баталсан. Шинэ сэргэлтийн бодлоготой холбоотой хоёр тогтоол гаргасан. МАН-ын дүрэм шинэчлэгдсэн. Өнөөдөр хэлэлцээд, дүрмээ баталсан. Дүрэмд орсон хоёр чухал өөрчлөлтийг хэлье. Цахим асуудалтай холбоотой асуудал, хоёрдугаарт, авлига албан тушаалын гэмт хэрэгт холбогдсон гишүүдэд хариуцлага тооцох тухай хэлэлцлээ. Авлига, албан тушаалын гэмт хэрэгт холбогдсон бол намын гишүүнээс түдгэлзэнэ. Шүүхийн шийдвэрээр ял авсан бол намаас хасагдсанд тооцно" гэлээ.
Сэтгэгдэл (0)
Сэтгэгдэл бичигдээгүй байна