2022/05/18
USD 2,811

Зүүн Азийн олимпын хороодын зөвлөлд Б.Баттүшиг, Ч.Наранбаатар нар сонгогдлоо

Ш.АДЪЯАМАА
2021/12/09

Зүүн Азийн олимпын хороодын зөвлөл /ЗАОХЗ/-ийн зөвлөлийн хурал өчигдөр цахимаар болж, тус зөвлөлийн бүрэлдэхүүнд Монголын үндэсний олимпын хороо /МҮОХ/-ны удирдлагаас хоёр хүн сонгогдлоо.

 Тус хурлаар Зүүн Азийн залуучуудын II наадам 2023 оны наймдугаар сарын 12-19-ны өдрүүдэд Улаанбаатар хотноо спортын 12 төрлөөр зохион байгуулахаар шийдвэрлэв.

Дүрмийн дагуу наадам зохион байгуулах улсын Үндэсний олимпын хорооны тэргүүн ЗАОХЗ-ийн Дэд ерөнхийлөгчөөр ажиллах заалттай. Энэ заалтын хүрээнд МҮОХ-ны Тэргүүн дэд ерөнхийлөгч, Олон улсын олимпын хорооны Гишүүн Б.Баттүшиг тус зөвлөлийн Дэд ерөнхийлөгчөөр, МҮОХ-ны Ерөнхийлөгчийн үүрэг гүйцэтгэгч Ч.Наранбаатар зөвлөлийн гишүүнээр тус тус сонгогдсон байна.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна