“Дэлхийн мисс”-ийн тэмцээнд эх орноо төлөөлөн оролцoж буй үзэсгэлэнт бүсгүй А.Бөртэ-Үжин "Авьяаслаг мисс" шалгаруулалтад тэргүүлсэн байна.
Дэлхийн мисс тэмцээн АНУ-д болж байгаа бөгөөд 123 орны мисс өрсөлдөж байгаа юм. Энэ удаагийн “Дэлхийн мисс”-т А.Бөртэ-Үжин өрсөлдөхөөр шaлгарсан. Соёл Урлагийн их сургуулийн Бүжгийн урлагийн сургуулийг Бүжгийн багш найруулагч мэргэжлээр төгссөн тэрбээр Англи, Япон, Герман, Хятад хэлтэй аж.
Ийнхүү авьяаслаг миссээр шалгарснаар шилдэг 30 оролцогчийн нэг болж буй юм.
А.Бөртэ-Үжин нь мэргэжлийн уран нугарaaч бөгөөд олон улсад уран нугаралтын аялан тоглолтууд хийсэн туршлагатай нэгэн юм.
Тэрээр “Дэлхийн Мисс 2021 тэмцээнд эх орноо төлөөлөн оролцох болсондоо туйлын их баяртай байна. Монголын үндэсний урлаг болох уран нугаралт мөн Монгол улсынхаа өв соёлыг сурталчилан өөрт байгаа бүх чадвараа дайчлан хичээх болнoo” хэмээн амлан дэлхийн миссийн титмийн төлөө өрсөлдөж байгаа билээ.
Энэ жил 70 дахь удаагаа зохион байгуулагдаж буй Дэлхийн мисс шалгаруулах тэмцээний эцсийн шатны шалгаруулалт 2021 оны арванхоёрдугаар сарын 16-нд АНУ-ын Пуэрто Рико аралд болно.
27°C
Сэтгэгдэл (4)