2022/05/25
USD 2,811

Нийслэлийн гурван байгууллагад шалгалт хийхэд эрх мэдлээ хэтрүүлж, хэн нэгэнд давуу эрх олгодог зөрчлүүд илэрчээ

М.Төгөлдөр
2021/12/14

Сүүлийн жилүүдэд иргэдийн амьдрах орчин, аюулгүй байдалтай холбоотой асуудлаар иргэдээс өргөдөл, гомдол олноор ирж байгааг үндэслэн НЗДТГ-аас Нийслэлийн Газар зохион байгуулалтын алба, Хот байгуулалт, хөгжлийн газар болон Нийслэлийн Авто замын хөгжлийн газарт хэд хэдэн чиглэлээр шалгалт хийсэн байна.

Хяналт, шалгалтын ажлын хүрээнд дээрх гурван байгууллага нь холбогдох хууль тогтоомж, дүрэм журмыг хангалтгүй хэрэгжүүлдэг, эрх зүйн орчныг бүрдүүлэх чиглэлээр шаардлагатай арга хэмжээг авч хэрэгжүүлдэггүй, эрх мэдлээ хэтрүүлж, хэн нэгэнд давуу эрх олгодог зэрэг нийтлэг зөрчил, дутагдлыг гаргасан байна.

Мөн иргэн, хуулийн этгээдээс ирүүлсэн албан бичиг, өргөдөл, гомдлын шийдвэрлэлт хангалтгүй, асуудлыг нягтлан судалж, шалтгаан нөхцөлийг тодруулдаггүй, хуулийн хугацаанд бүрэн барагдуулж, эцэслэн шийдвэрлэдэггүй, төрийн үйлчилгээг үзүүлэхэд хүнд суртал гаргаж иргэдийг чирэгдүүлдэг зэрэг зөрчил илэрчээ. Түүнчлэн төрийн албан хаагчдын ёс зүй, сахилга хариуцлагыг дээшлүүлэх, ёс зүйн дутагдлыг илрүүлэх, авлига, ашиг сонирхлын зөрчлөөс урьдчилан сэргийлэх чиглэлээр хийж, хэрэгжүүлсэн ажил хангалтгүй байна. 

Шалгалтаар илэрсэн зөрчил, дутагдлыг арилгуулах чиглэлээр дээрх гурван байгууллагад шаардлага тавьсан байна.

Тухайлбал,

  • Холбогдох хууль тогтоомж, дүрэм журмыг үйл ажиллагаандаа бүрэн дүүрэн мөрдөж ажиллах,
  • Зарим чиглэлээр эрх зүйн орчныг шинэчлэх, хууль тогтоомжоор олгосон эрх хэмжээг хэтрүүлэхгүй байх,
  • Улс, нийслэлийн төсвийн хөрөнгөөр хийж буй ажилд тавих хяналтыг сайжруулах,
  • Төрийн үйлчилгээг цахим хэлбэрт бүрэн шилжүүлж, хүндрэл чирэгдлийг багасгах,
  • Үйлчилгээний хүсэлтийн шат дамжлагыг бууруулах,
  • Иргэдээс ирүүлсэн өргөдөл, гомдолд дүн шинжилгээг хийж, хууль зүйн үндэслэлтэй нэг мөр эцэслэн шийдвэрлүүлэх зэрэг чиглэлээр шаардлага тавин ажиллаж байна.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС


Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.190.165
Одоо УБТЗ аа шалгах хэрэгтэй байна даа
Хариулах
202.9.46.35
Төрийн байгууллагуудыг цэвэрлэх хэрэгтэй.туслах ажилчидтай оролдож болохгүй ээ.Хамаг муу ажлыг нь нугалдаг хүмүүс шүү
Хариулах
192.82.68.150
Гантөмөр гэдэг менежер нэртэй хувалз хүүхдийнхээ нэр дээр том жижиг замууд авч баяжсан гэсэн . Сайн шалга!!!
Хариулах
192.82.74.208
тийн ш дээ авто зам гэж үнэхээр хөгийн газар бдагийн ялангуяа тэр Индра гэж нөхөр бхад ёстой новш бсан иргэдийг алагчилж үздэг худал мэдээлэл өгдөг хэл амтай иргэдээс айдаг аймхай дарга бсан тэр санзайн зам гэж дугуйн зам шиг маш нарийхан зам бна аа танаад илүү гарсаныг нь хэн иддэгийн бол
Хариулах
202.126.89.58
УЛААНБААТАР СПОРТ МЕНЕЖМЕНТ ГЭДЭГ ГАЗРЫГ ШАЛГАХ ХЭРЭГТЭЙ
Хариулах