2022/01/19
USD 2,811

АХМАД ТЭЭВЭРЧИД ЦАР ТАХЛЫН ЭСРЭГ ХАМТДАА ЗҮТГЭЛЭЭ

М.Төгөлдөр
2021/11/09

  Автотээврийн цехийн инженер техникийн ажилтнууд сүүлийн таван жилд гавьяаны амралтад гарсан ахмадуудаа урьж ажиллуулах шийдвэр гаргасан боловч Монгол Улсын Хөдөлмөрийн баатар Д.Жигмэдцэрэн өөрийн хүсэлтээр “цуваа”-нд нэгдсэнд залуус бахархаж байлаа. 

Өөрөөр хэлбэл Эрдэнэт үйлдвэрийн Автотээврийн цехийн хамт олон цар тахлын ид дэгдэлтийн үед үйлдвэрлэлийн үйл ажиллагааг тасалдуулахгүйн тулд технологийн болон зорчигч тээврийн хэсэгтээ гавьяаны амралтад гарсан ахмадуудаа урьж ажиллуулжээ. 

Тус цехийн 140 гаруй жолоочийн 33 нь коронавируст цар тахлаар өвдөж, олонх нь тусгаарлагдах үед үйлдвэрлэлийн хэвийн үйл ажиллагаа алдагдах хэмжээнд хүрч байв. Энэ үед Эрдэнэт үйлдвэрээс гавьяаны амралтад гарсан белазын жолооч нар урилгыг хүлээн авч, цар тахлыг хамтдаа даван туулахаар зориг шулуудан ажилласанд уурхайчин хамт олон нь талархаж байна. Тэдний дийлэнх нь Хамтын гэрээний заалтын дагуу хүүдээ өөрийн ажлаа хүлээлгэн өгсөн бөгөөд цар тахлын хүнд цаг үед хүүтэйгээ мөр зэрэгцэн ажиллах, хамтран зүтгэх, сайхан дурсамж бүтээх боломжийг олгосон Автотээврийн цехийн удирдлага, хамт олонд талархаж байгаагаа илэрхийлсэн юм. 

Цар тахлын ид дэгдэлтийн үед буюу өнгөрсөн гурван сард хамт олонтойгоо хүчээ нэгтгэн хамтран зүтгэсэн Ц.Эрдэнэбат, Монгол Улсын Хөдөлмөрийн баатар Д.Жигмэдцэрэн, Б.Бямбабадрах, С.Батаа, А.Баяндалай, Б.Шинэн, Г.Даваацэрэн, Л.Лхагва, Г.Баасансүрэн, Ж.Цэен-Ойдов нарын ахмадууддаа баярлалаа.  



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна