2022/05/24
USD 2,811

Х.Нямбаатар: Дубайн гэрээг ямар нэгэн болзол, нөхцөл тавихгүйгээр цуцлах саналыг хүлээж авсан

Ш.АДЪЯАМАА
2021/12/14

Засгийн газрын хуралдаанаас гарсан шийдвэрийг салбарын сайд нар нь танилцууллаа.

Хууль зүйн, сайд Х.Нямбаатар:

Оюутолгойн ажлын хэсгийн явцын мэдээллийг сонслоо.  “Рио Тинто” болон “Туркойз хилл” компанийн гүйцэтгэх удирдлагаас албан бичиг ирүүлсэн. Тус захидалтай холбоотой асуудлыг өнөөдөр Засгийн газар хэлэлцсэн. Зарчмын хувьд дэмжээд УИХ-ын Түр хороогоор хэлэлцүүлж  УИХ-ын 2019 оны 92 дугаар тогтоолын хэрэгжилтийг хангах чиглэлээр Засгийн газраас хийж хэрэгжүүлсэн ажлын танилцуулгыг УИХ-д оруулах шийдвэрийг гаргалаа. Ажлын хэсгээс удаа дараа 34 хувийг тэглэх санал тавьсан. Өмнө нь 70 хувийг тэглэх саналыг ирүүлсэн. Энэ удаа 2.3 тэрбум ам.долларын өрийг тэглэх санал ирүүлсэн. Энэ нь ирээдүйд 22 тэрбумын төгрөгийн өрийг Монголын Засгийн газарт үүсгэхгүй гэдгийг захидалдаа онцолсон байсан.Дубайн гэрээ буюу далд уурхайн бүтээн байгуулалтын санхүүжилтийн төлөвлөгөөг ямар нэгэн болзол нөхцөл тавихгүйгээр цуцлах саналыг хүлээж авсан. Далд уурхайн бүтээн байгуулалтын зардлын хэтрэлтийн талаар бид олон жил ярьсан. Зарим нь хардаж, шүүмжилж ирсэн. Монголын Засгийн газрын ажлын хэсгээс тавьсан далд уурхайн бүтээн байгуулалтын зардалд хөндлөнгийн аудит оруулах саналыг хүлээн зөвшөөрсөн. Гүний уурхайн ашиглалт, олборлолт эхлэх хугацааг 2023 оны эхний хагас хүртэлх нэмэлт зардлыг хөрөнгө оруулагч тал өөрөө 100 хувь хариуцах санал гаргасан. Энэ босгосон мөнгө “Эрдэнэс Оюутолгой” компанид өр болж бичигдэхгүй гэдгийг захидалд тусгасан.


“Оюутолгой” ХХК-ны засаглалыг сайжруулах, гүний уурхайн төслийн хяналтыг сайжруулах  холбогдох арга хэмжээний зардлыг хариуцна гэсэн. Өөрөөр хэлбэл, Оюутолгойн борлуулалтаас тодорхой хэмжээний менежментийн төлбөрийг "Эрдэнэс Оюутолгой" компанид өгнө гэсэн үг.  УИХ-ын  92 дугаар тогтоолын тавдугаар зүйлд “Эрдэнэс Оюутолгой" компанийг чадавхжуулах гэсэн заалт бий. Энэ заалт хангагдаж байна.  Эцэст нь Монгол Улсын эрчим хүчний нэгдсэн сүлжээнээс Оюутолгой төсөл эрчим хүчээр хангах гэрээгээ байгуулахад бэлэн байна гэдгээ илэрхийлсэн. Ойролцоогоор 9 доллар 6 центээр 1 кВт өртгийг тогтож тогтвортой байдлын гэрээг байгуулж,  Монгол Улсын эрчим хүчний нэгдсэн системээс Оюутолгойн төслийн эрчим хүчийг хангана. Энэ нь банкаас мөнгө босгох боломжтой гэрээ болно. Ингэснээр бид Тавантолгойн эрчим хүчний станцын санхүүжилтийн зарим хэсгийг гаднаас босгох боломж бүрдэж байна. Засгийн газар дээрх саналуудыг хүлээж авч дэмжсэн. УИХ-ын Түр хороо болон УИХ-д танилцуулна. 

Цаана нь үлдэж буй асуудал бол Арбитрын маргаан. Үүнийг зургаан сараар хойшлуулж, эвийн журмаар хэлэлцээр хийх саналыг "Рио- Тинто" компаниас ирүүлсэн. 


Сэтгэгдэл (9)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.102
Сайханбилэг; гэрээ хийгээгүй төлөвлөгөө гарагсан гэдэг тэр нь гэрээ шахуу юм болоод хувирсан шүү......Тэхдээ яах вэ ажил хөдөлсөн тэр бас шан авсан ийм л юм болсон доо.......
Хариулах
202.9.46.39
Элбэгдорж ЕӨК байх үед Сайханбалаг сахалтай жаал Дубайн гэрээг сайн дураар очиж зурсан нь хууль зөрчсөн, авилга авсан, өгсөн асуждлууд яригдаж таарна. Бас энэ хугацаанаас эхлэн 34% ийн ноогдол ашгийн асуудал , хил гаалийн татварын асуудал сөхөн төлүүлэх нь зүытэй.. Зүгээр л хүчингүй болчихоор өүх зүйл дуусахгүй. Барьцаа чангаруулах нь зөв.
Хариулах
66.181.161.23
Хэдэн оноос эхэлж, хэн хэнд хэдэн мөнгө өгч энэ гэрээг хийснээ хэлчих гэж хэлээч !!!!!
Хариулах
43.228.129.20
Монгол Оюутолгойн 34%-г үнэгүй эзэмшихээр болсон гэдэг бол 2009 оны гэрээ хууль зүйн утгаараа шууд өөрчлөгдөж зарим заалт нь хүчингүй боллоо гэсэн үг,,, тэгэхээр боломжийг ашиглаж алдагдсан боломжуудаа эргүүлэн авах тааламжтай нөхцөл бүрдсэн, Цаашдаа монгол улсын засгийн газар уурхайн 66%-г эзэмших,,2009 оноос хойш хил гаалиар гарсан нийт баяжмалын 34%-д ноогдох өртөгийг хуулийн дагуу нэхэмжлэх эрх жинхэнэ утгаараа үүссэн учраас алдагдсан ашиг орлогоо хуулийн дагуу эргүүлэн тооцож авах хэрэгтэй, Риотинто өнөөдөр хүртэл уурхайн ашгийг 100% авч байгаа шүү,,энэ бол монголын ард түмний өмч шүү.
Хариулах
66.181.176.70
MGL-d Dubain geree ashiggui baisan bas 22terbum am. dollaryn daramttai ZG hetsuu shuu dee...Odoo l ene bolomj deer dahij aldaj bolohgui.
Хариулах
202.9.40.58
Гэхдээ Дубайд гэрээ хийгээгүй бол далд уурхайн ажил одоо яагаа ч үгүй байж магадгүй. Сайханбилэг хөдөлгөсөн нь зөв болох гээд байна.
Хариулах
202.126.89.58
Сайханбалаг их сайн гэрээ байсан гээд байсныг нь цуцалчихлх аашдээ.Тэр
Хариулах
2607:fb90:862e:f482:e95b:127c:6425:b470
Bagabandi gedeg luivarchnaa zailuulaacheeee
Хариулах
66.181.178.67
САЙХАН БИЛЭГ ИХ САЙН ГЭРЭЭ БАЙСАН ГЭСЭН БИЗ ДЭЭ. ОДОО ЯАНАА.
Хариулах