2022/01/16
USD 2,811

Д.Тогтохсүрэн: Рио-Тинтогоос ирүүлсэн захидалд бүлгээс хоёр чиглэл өгсөн

Ш.АДЪЯАМАА
2021/12/14

Ерөнхий сайд Л.Оюун-Эрдэнэд Рио Тинто группийн Ерөнхий захирал Якоб Стаусхолмоос Оюутолгойн хэлэлцээрийг шийдэх 5 санал тавьж захидал илгээсэн. Уг захидлыг өчигдөр УИХ дахь МАН-ын бүлгээр авч хэлэлцсэн. Энэ талаар тус намын бүлгийн дарга Д.Тогтохсүрэнгээс тодрууллаа.


Захидалд тусгагдсан саналуудын тухайд: 

  • 1. Оюу Толгой төслийн Монгол Улсын Засгийн Газрын эзэмшлийн 34%-д ногдох нийт 2.3 тэрбум ам.долларын өрийг 100% тэглэх. Ингэснээр өмнө нь тооцоолж байсан 22 тэрбум ам.долларын өр үүсэхгүй, улмаар Эрдэнэс Оюу Толгой ХХК-ийн 34% эзэмшлийн үнэ цэн нэмэгдэж, ногдол ашиг авах хугацаа наашлах;
  • 2. ДУББСТ болон “Оюу толгойн далд уурхайн бүтээн байгуулалт, санхүүжилтийн нэмэлт төлөвлөгөө”-г цуцлаж дуусгавар болгох;
  • 3. Оюу Толгойн далд уурхайн бүтээн байгуулалтын төслийн санхүүжилтэд хөндлөнгийн аудит оруулахыг зөвшөөрөх;
  • 4. Гүний уурхай ашиглалтад орж олборлолт эхлэх хугацаа буюу 2023 оны эхний хагас хүртэлх нэмэлт зардлыг хөрөнгө оруулагч тал 100% хариуцаж Эрдэнэс Оюу Толгой ХХК-д нэмэлт өр үүсгэхгүй байх;
  • 5. Оюу Толгой ХХК-ийн засаглалыг сайжруулах байдлаар гүний уурхайн төслийн хяналтыг сайжруулах арга хэмжээ авч холбогдох зардлыг харилцан тохиролцсон нөхцлийн дагуу Оюу Толгой ХХК төлөх; Монгол Улсын эрчим хүчний нэгдсэн сүлжээнээс Цахилгаан эрчим хүчээр хангах гэрээ байгуулах; төслийн байгаль орчин, нийгэм, засаглалыг сайжруулах чиглэлээр хамтран ажиллах.

Монгол Улсын Засгийн Газар болон Оюу Толгой ХХК-ийн хооронд үүссэн арбитрын маргаантай холбоотой 6 сарын хугацаанд түдгэлзүүлж Ажлын хэсгийн хүрээнд зөвшилцлийн замаар шийдвэрлэхийг эрмэлзэж байна гэдгийг мөн захидалд тусгажээ.  Гүний уурхайг ашиглалтад оруулах огтлох малтлагыг 2022 оны нэгдүгээр сард багтааж хугацаа алдалгүй хийхийн тулд гүний уурхайн огтлох малтлагыг эхлүүлэх урьтал нөхцөлүүдийг Ажлын хэсгийн хүрээнд хамтран шийдвэрлэхийг Монголын Засгийн газраас хүслээ. 

Эдгээр арга хэмжээнд үндэслэж хоёр талын ажлын хэсэг нарийвчлан ярилцаж, зөвшилцлийн замаар бичгээр 2021 онд багтаан эцэслэн шийдвэр гаргахыг хүссэн байна. 


Сэтгэгдэл (6)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.16.168
Эх орны баялаг бол монголын ард иргэдийн өмч. Энэ өмчөө барьцаалаад оюутолгойн ордыг ашиглах гэрээг хөрөнгө оруулагч талтай байгуулж монголын тал 51 хувиас дээш хувь эзэмших ёстой. Анхны буюу 2009 оны үл бүтэх гэрээг өөрчилж байж болохгүй тэр 34 хувь гэдгийг үгүй болгох хэрэгтэй шүү. Ингэвэл жинхэнэ хөрөнгийн эзэн болно
Хариулах
103.9.90.100
Монголын тал 51 хувиас дээш эзмшсэн цагт л ашигтай. Монголын талд та нар 34 хувь эзэмш ,бид өрийг дараад өгье гэж байх шиг. бодит өр мөн үү
Хариулах
103.9.90.100
34 эзэмшээд түр өрийг дарж хуурч байх шиг.Монголын тал 51 ээс дээш хувь эзэмшихгүй бол ямар ч үр дүнгүй юм шиг
Хариулах
202.21.101.130
Эрдэнэтийн уурхай 10 жилийн ойгоороо цэцэрлэг, сургууль, эмнэлэг, ажиллагсадын орон сууцны хороолол гээд бүхэл бүтэн хот босгочихсон нижгэр тэмдэглэж байлаа. Риогийн луйварчид 10 жилийн ойгоороо улс гүрэн, тив дэлхий дамнасан хэрүүл хэл амтай, ганц орон сууцны хороололгүй гуйлгачин царайлаад байж байна.
Хариулах
59.153.114.131
Захидлаа уншаад ойлгодог юмуу энэ нөхөр.
Хариулах
202.126.88.174
Монголын тал эрдэнэт шигээ 51 хувиа үнэгүй эзэмших ёстой.Бас Рио тинтогоор монголын хэн хэн авилга авсанг нь манай ард түмэнд яг үнэнээр нь хэлж өг гэж хэлүүлэх ёстой байна.Эрдэнэт шиг хот маш яаралтай баригдах юмуу баяогыг аваад хоосон шороо үлдээх юмуу.Борлуулалтын орлогыг монгол банкаар дамжуулж авдаг нээлтиэй ил тод болгох ёстой.Ядаж доллор хямдарна.Үүнийг нэмж хийх хэрэгтэй байгаа шүү
Хариулах