2022/05/25
USD 2,811

Буруу талдаа жолооны хүрдтэй тээврийн хэрэгслийг хориглохыг иргэдийн 50.8 хувь нь дэмжээгүй байна

Ш.АДЪЯАМАА
2021/12/16

Нийслэл Улаанбаатар хотын хөгжлийн асуудал эрхэлсэн Түр хорооны хуралдаан өчигдөр Төрийн ордонд болсон. Түр хорооны хуралдааны үеэр Эс Ай Си  Эй  ХХК-ийн  гүйцэтгэх захирал Ж.Эрдэнэбилэг Улаанбаатар хотын тулгамдсан асуудал сэдэвт түүвэр судалгааны дүнг танилцуулсан юм.

-Нийслэл хотод тулгамдаж буй асуудлын талаарх түүвэр судалгаанд есөн дүүргийн 600 иргэнийг хамруулан Улаанбаатар хотын хувьд  тулгамдсан асуудал нь юу байна гэдгийг тодотгон гаргасан. Нийслэл хотын хувьд эрүүл, аюулгүй орчинд ажиллаж, амьдрах нөхцөл сайжирсан гэж зургаан хүн тутмын нэг нь үнэлсэн бол, үгүй гэж дөрвөн хүн тутмын нэг нь үзэж байх жишээтэй. Одоо тулгамдаж буй асуудлыг дэд бүтцийн, нийгмийн, эдийн засгийн гэсэн гурван бүлэгт хуваан ангилсан. Дэд бүтцийн тулгамдсан асуудлын тэргүүнд автомашины зогсоолыг нэрлэсэн бол  гэр хорооллын дахин төлөвлөлт, явган болон дугуйн зам, зай завсаргүй барьсан барилга байгууламж, ногоон байгууламж дутмаг байдал гэсэн асуудлуудыг иргэд нэрлэсэн байна. Хүүхдийн тоглоомын талбай, цэцэрлэг, сургуулийн хүртээмж гэсэн асуудлыг ч дурджээ. Энэхүү тулгамдсан асуудал нь гэр хороолол болон орон сууцанд амьдарч буй иргэдийн хувьд мөн ялгаатай. Гэр хорооллын дахин төлөвлөлт хамгийн чухал гэж гэр хороололд амьдардаг иргэд хэлсэн бол автомашины зогсоолын хүртээмжгүй байдал орон сууцанд амьдарч буй иргэдийн хамгийн тулгамдсан асуудал байна.

Нийгмийн асуудлын тухайд замын түгжрэл, агаарын бохирдол, архидалт, хог хаягдал, “Ковид-19” цар тахлын нөхцөл байдал сэтгэл зовоосон асуудал гэжээ. Урьд нь “Ковид-19” цар тахлын нөхцөл байдал хамгийн эхэнд бичигдэж байсан бол энэ удаа тавдугаарт эрэмбэлэгдсэн. Харин эдийн засгийн асуудлын тухайд судалгаанд оролцогчдын 66.8 хувь нь бараа бүтээгдэхүүний үнийн өсөлт, 45 хувь нь цалин тэтгэврийн хүртээмж муу байна гэжээ. Мөн иргэдийн амьжиргааны түвшин, ядуурал, жижиг, дунд бизнес эрхлэх боломж, ядуурлыг тулгамдаж буй асуудал хэмээн нэрлэжээ.  Түүнчлэн Нийслэл Улаанбаатар хотын хөгжлийн асуудал эрхэлсэн Түр хороо байгуулагдсаны дээр хэд хэдэн хуулийн шинэчлэл нь хотын хөгжилд  нааштай өөрчлөлт авчирна гэсэн хүлээлт иргэдийн дунд байгаа бөгөөд тэд хамгийн түрүүнд авто замын түгжрэлийг бууруулах, цалин тэтгэвэр тэтгэмжийг өсгөж эдийн засгийн хямралыг арилгах, амьдрах орчныг сайжруулах, агаарын бохирдлыг бууруулах байх гэж хүлээж буй нь харагдсан хэмээн өгүүллээ.

Судалгааны багийнхны зүгээс хийж хэрэгжүүлэх  ажлыг асууж эрэмбэлэхэд 96.3 хувь нь явган хүний зам барих, 93 хувь нь дугуйн зам барих, 92.8 хувь нь давхар зам, гүүрэн байгууламж  бий болгохыг дэмжсэн байна. Түүнчлэн нийтийн тээврийн автобусны тоог нэмэх, метро байгуулах, дагуул хот, дэд төв байгуулах зэрэг ажлуудыг иргэд өндөр хувиар дэмжсэн хариулт өгчээ.

Судлаачид дэмжихгүй байгаа асуудлуудыг ч мөн асуулгад багтаан эрэмбэлэн жагсаажээ. Тухайлбал, буруу талдаа жолооны хүрдтэй тээврийн хэрэгслийн онцгой албан татвар болон бусад татварыг нэмэхийг судалгаанд оролцогчдын 65.5 хувь нь дэмжихгүй байгаагаа илэрхийлсэн бол хотын иргэний татвар бий болгохоос 64.8 хувь нь татгалзжээ. Хотын авто зам, гүүрийг төлбөртэй, төлбөргүй болгож ялгахыг 63.7 хувь эсэргүүцэж, буруу талдаа жолооны хүрдтэй тээврийн хэрэгслийг импортлохыг хориглохыг 50.8 хувь нь, хөдөөгийн иргэдийн шилжилт хөдөлгөөнийг түр хязгаарлахыг 58 хувь нь, нэг өрх нэг автомашинтай байх, нэгээс дээш автомашинтай бол татварыг хоёр дахин нэмэгдүүлэн тооцдог болохыг 54.8 хувь нь, дугаарын хязгаарлалттай өдрийн тоог нэмэхийг 50.8 хувь нь дэмжихгүй гэдгээ илэрхийлсэн байна.

Эдгээрээс судлаачид “Иргэд төрөөс хийж хэрэгжүүлэх томоохон төсөл хөтөлбөр, бүтээн байгуулалтын ажлыг ихээхэн шаардаж байгаа ч иргэдийн өөрсдийнх нь зүгээс оролцоог нэмэгдүүлсэн,  хариуцлага шаардсан, татвар хураамж нэмэгдүүлсэн арга хэмжээг дэмжихгүй байгаа нь ажиглагдлаа. Авах зүйлд “тийм”, өгөх, үүрэг оролцоог нэмэгдүүлэхэд “үгүй” гэж хариулж байна” гэсэн дүгнэлтийг гаргасан юм.  

 НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС


Сэтгэгдэл (24)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.87.145
Тэнэгтээрээ малаа приус машинаас болж түгжрэл үүсээд байгаа юм уу. Гарийн наймаа шинэ барилга барихдаа машины зогсоол шийдээгүй(бүх өндөр барилгууд EMART шиг зогсоолтой байх шаардлага тавьсан бол) хэт ойрхон шамбааралдуулж барьсан барилгууд мөн хотыг нэвт гараад явчих хурдны замгүй учираас урд хойд чиглэлд явж байгаа УБ хотоор дайрах шаардлагагүй бүх машинууд хотоор дамжиж байгаа учраас түгжрэлд нөлөөлж байна
Хариулах
192.82.87.247
1-р эгнээгээ хашлага тавиад чөлөөлчих тэгвэл автобус яг цагтаа буудалдаа очно ,иргэд цагтаа гэрээсээ гараад хоцрох аюулгүй яг цагтаа очих газраа очно
Хариулах
66.181.187.69
Санал нэг байна
Хариулах
66.181.187.69
Зөв2
Хариулах
66.181.187.69
Төр юм бол төмөр нүүрээ гаргалдаа бүх эрх мэдэл нь байхад юуг нь асуудагийн ядаж импортоор орж ирэхийг даруйхан хориглоод өгөөчээ .Энэ олон приуснээс чинь залхаж байна хамаг л насаа түгжэрэлд өнгөрөөж байна Я
Хариулах
202.179.27.196
Төр юм бол төмөр нүүр ээ гарга! Оркуудтай юунд ч хүрэхгүй!тэднээс юу ч асуусан амжилтанд хүрэхгүй! Ноцтой шийдвэр гаргаж оркуудбн унадаг баруун хүрдтэй түгжрэлийн гол шалтгаан болсон приусуудыг хорь! Хотын төвийн замыг өндөр татвартай болго! Хөдөөнөөс Орк шилжэлтийг зогсоо! Эсэргүүцсэн дэмжээгүй зүйлүүдийг эсрэгээр нь хийснээр хотыг нийслэл шиг болгоно!
Хариулах
202.179.27.196
Төр юм бол төмөр нүүр ээ гарга! Оркуудтай юунд ч хүрэхгүй!тэднээс юу ч асуусан амжилтанд хүрэхгүй! Ноцтой шийдвэр гаргаж оркуудбн унадаг баруун хүрдтэй түгжрэлийн гол шалтгаан болсон приусуудыг хорь! Хотын төвийн замыг өндөр татвартай болго! Хөдөөнөөс Орк шилжэлтийг зогсоо! Эсэргүүцсэн дэмжээгүй зүйлүүдийг эсрэгээр нь хийснээр хотыг нийслэл шиг болгоно!
Хариулах
64.119.21.177
Хаанаас энэ судалгаа санал гээчээ авчихав аа ! Худалчид
Хариулах
192.82.67.234
Эхлээд нийтийн тээврээ тултал нь хөгжүүлчих! Машин унах хүн аяндаа буурна, МАНгаруудаа!!!
Хариулах
202.55.188.106
Монгол хүнээ ажлаар ханаал сайн цалин өгөлдөө. Боломж нь байдаг бол шинэхэн маүин унамаар л байна. Бидэнд ардуудад ямар хахууль өгөх биш. Арай гэж нэг муу хуучин унаа залгасан ард нийтээ ад үзээд бхйлдаа.
Хариулах
103.26.195.60
Нийтийн тээврийн автобус явдаг 1р эгнээгээ л бүрэн чөлөөлөөд өгчих.Хаалт хашлага хийгээд тусгаарла.Яг бээжин шиг хэрвээ 1р эгнээгээ машин зорчвол маш өндөр торгууль ноогдуул 2000.0-5000.0 Машинтайгаа зам дээр түгжрээд бж бна биз.
Хариулах
202.131.236.170
90 % байх ёстой
Хариулах
43.228.130.188
Ганцхан шийд гаргачих юу гэвэл 2022-оны 6-р сараас буруу рультэй машин хилээр оруулахыг бүрмөсөн хориглоно.Хориос дээш настай машиныг хотод явуулахгүй байх мөн хөдөөний машиныг тодорхой хугацаанд байлгаад гаргах.2028 оноос хойш буруу рультэй машиныг хөдөө тийш гаргаж хотод явахыг хориглох зэрэг арга хэмжээ авах худлаа яриад байх хэрэггүй.
Хариулах
124.158.64.236
Yu bodoj yu hiigeed bdg bna aa
Хариулах
124.158.64.236
Он хөгшин авто машинаа хотийн А бүсрүү орхийг нь цагийн хязгаар тоттоочуул хөдөлгөөний ачаалал тодорхой хэмжээд буурна хотийн өнгө үзэмжинд эерэг болох байхдаа хөгшин машинуудаа оршуулахгүй гаднаас нэмээд байхаар багтхаа болино шүү дээ
Хариулах
66.181.186.160
bas hezee sanal asuulga yavchihvaa bas l uleedeg ... shuu 60 -70 huvi n baruun hurdtei mashin barij baihad 50% n demjihgui bn gene 20% n namaig yavgalaad ug geed sanal ugch bn gene uu
Хариулах
66.181.161.95
Zailaa ter priusteigee huduuguu ochij ter malaa hariul
Хариулах
202.131.237.99
За одоо хамгийн их эсэргүүцэж байгаа зүйлсээс нь эхлээл хийгээд байж дээ. Иргэдийн хийгээд/хүсээд байгаа зүйлсийн эсрэг ажил хийж байж л үр дүнд хүрнэ.
Хариулах
139.5.216.254
Одоогийн мөрдөж байгаа хууль зөв хүрдтэй биз дээ. Хууль зөрчиж байгаа төр хариуцлага хүлээнэ дээ. Жолооч,иргэнийг болохоор олон тэрбумаар торгож төсвөө нөхдөг арга нь хууль бус байна. Тэд далим төдий зогсоолоос л торгодог. Өөрсдөө болохоор аүхэл бүтэн ЗХ-ны хууль зөрчөөд хүний амь насаар тоглоод асуулга явуулсан болоод өөрсдийгөө зөвтгөөд унтаж байж болохгүй.Цэцэд хохирогчид хандах хэрэгтэй юм байна.
Хариулах
122.201.21.35
Яагаад ч 50 байх ёсгүй. Худлаа тоо. Иргэдийн 70-80 хувь нь буруу рультэй машинтай байхад. Гудамжаар явж байгаа машинуудыг хар л даа. Түүний дотор ихэнх нь приус байна.
Хариулах
103.57.95.116
Битгий суулга гэж жүжиглэ хүмүүсийн 80 % буруу хүрдтэй машинтай бхад та нар ард түмэнд хайртай хүн болох гэж хуцхаа боль зүгээр л хориглох шийдвэрээ гарга малнуудаа үүгээрээ та нар харин ард түмнийг доромжилж тохуурхаж бна
Хариулах
66.181.161.95
Hutsmoi muu teneg uheruud
Хариулах
202.9.40.242
одоо б.гааг нь зөвшөөрөөд дахин хилээр орж ирэхийг нь урьдчлан сануулж б.ж хорих хэрэгтэй.Манайх хил залгаа улсуудтайгаа адил зөв рультэй л б.х нь зөв.
Хариулах
66.181.180.167
Даарсан, залхсан иргэд мэдээж орчноо сайжруулахыг л хүсэх нь тодорхой. Тэр барих байгуулахгээд байгаа санаатай юм бол тэгээд Түргэлж үзээч !. Та нарын эрх барих хугацаа дөхөж байна шүү дээ
Хариулах