МАН-ын бүлэг өнөөдөр (2021.12.20) хуралдаж, Коронавируст халдварын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийг зургаан сараар сунгахыг дэмжсэн.
Уг хуулийг сунгахыг дэмжиж багаа эсэхийг УИХ-ын гишүүн Л.Мөнхбаатараас тодруулахад тэрбээр "Үүсээд байгаа нөхцөл байдалтай холбоотойгоор Цар тахлыг хуулийг сунгах шаардлага бий. Үндэслэлүүдээ Засгийн газраас тайлбарласан. Дэлхийн орнуудад цар тахлын шинэ мутаци бий боллоо. Үүнтэй холбоотойгоор хилээ хаах зэрэг арга хэмжээнүүдийг авч байна. Манай улсад үүнд мөн бэлэн байх, хууль эрхзүйн хувьд тодорхой байх гэсэн үүднээс хуулийг дахин сунгахыг дэмжиж байна. Тог, цахилгааны төлбөрийг төр үргэлжлүүлэн төлөх эсэхийг Засгийн газар шийдэх байх. Хувь гишүүнийхээ хувьд бол тог, цахилгааны төлбөрийг төр үргэлжлүүлэн төлөх нь зөв. Нэгэнт л халдварын нөхцөл байдал амаргүй байна гэж үзээд Цар тахлыг хуулийг сунгаж байна. Цаашид иргэдийн орлого улам буурч, ААН-үүийн үйл ажиллагаанд хүндрэл гарахыг үгүйсгэхгүй учраас сунгаж байгаа хуульдаа нийцүүлэх шаардлагатай" гэв.
Сэтгэгдэл (0)
Сэтгэгдэл бичигдээгүй байна