Говь-Алтай аймгийн Халиун суманд 5.1 магнитудын хүчтэй газар хөдлөлт болжээ

Өнөөдөр Говь-Алтай аймгийн Халиун суманд 5.1 магнитудын хүчтэй газар хөдлөл боллоо. Говь-Алтай аймгийн Халиун сумын төвөөс зүүн урд зүгт 46 километрын зайд орших Яргайт хэмээх газарт өнөөдрийн 05:17 цагт 5.1 магнитудын хүчтэй газар хөдөлжээ. Энэ тухай мэдээллийг Онцгой байдлын ерөнхий газарт 05:24 цагт ШУА-ийн Одон орон геофизикийн хүрээлэнгээс ирүүлсэн байна.

Одоогоор газар хөдлөл мэдэрсэн иргэдээс асуумж авч байгаа тухай Газар хөдлөлт, геофизикийн хүрээлэнгийн Алтай салбараас мэдээлэв.

Эх сурвалж: ОБЕГ