Монгол, Хятадын иргэд харилцан зорчих хязгаарлалтыг сулруулах боломжийг судлахаар тогтлоо

М.Төгөлдөр
2021/12/23

Монгол Улс, БНХАУ-ын ГХЯ-д хоорондын Стратегийн яриа хэлэлцээний 6 дахь удаагийн уулзалтыг 2021 оны 12 дугаар сарын 23-ны өдөр цахим хэлбэрээр зохион байгуулав.

Уулзалтыг монголын талаас Гадаад харилцааны дэд сайд Б.Мөнхжин, хятадын талаас Гадаад хэргийн яамны туслах сайд У Жянхао ахлан оролцов.

           Хоёр улсын ГХЯ-д хооронд дэд сайдын түвшинд жил бүр зохион байгуулдаг тус яриа хэлэлцээний механизмаар хоёр улсын харилцааны хөгжлийн явцыг дүгнэж, ойрын хугацааны зорилт, томоохон арга хэмжээний талаар ярилцахын зэрэгцээ бүс нутаг, олон улсын хамтын ажиллагааны асуудлаар санал солилцдог.

    Гадаад харилцааны дэд сайд нар цар тахлын нөхцөлд Монгол, Хятадын харилцаа бүхэлдээ амжилттай хөгжиж буйд сэтгэл хангалуун байгаагаа илэрхийлж, 2021 онд  хоёр улсын Төрийн тэргүүн, Парламентын дарга, Ерөнхий сайд нар тус тус утсаар ярилцаж,  өндөр түвшний харилцан айлчлал хэрэгжүүлснийг онцлон тэмдэглэв. Талууд ирэх онд дээд, өндөр түвшний харилцан айлчлал, уулзалтыг зохих хэлбэрээр зохион байгуулахаар тохиролцов.

     Дэд сайд нар хоёр улсын худалдаа, эдийн засгийн хамтын ажиллагаа өмнөх оноос сэргэж, худалдааны эргэлтийн хэмжээ мэдэгдэхүйц нэмэгдэж буйг тэмдэглэв. Түүнчлэн Ковид-19 цар тахлын нөхцөлд хоёр орны худалдаа эдийн засгийн хамтын ажиллагааг аль болох хэвийн явуулах боломж, тэр дундаа хилийн боомтуудын үйл ажиллагааг идэвхжүүлж, бараа бүтээгдэхүүн нэвтрүүлэлтийг нэмэгдүүлэх талаар дэлгэрэнгүй санал солилцов. Манай талаас Замын-Үүд-Эрээний боомтоор авто тээврийн үйл ажиллагааг шуурхай сэргээх, төмөр замын тээврийг хэвийн байдалд оруулах,  уул уурхайн бус бүтээгдэхүүний экспортыг сэргээх,  Шивээхүрэн-Сэхээ, Бичигт-Зүүнхатавч боомтын үйл ажиллагааг сэргээх, Гашуунсухайт-Ганцмод, Ханги-Мандал боомтуудын бараа нэвтрүүлэлтийг нэмэгдүүлэх, Гашуунсухайт-Ганцмод, Шивээхүрэн-Сэхээ, Булган-Такашикен, Бичигт-Зүүнхатавч, Ханги-Мандал боомтуудаар тусгай зөвшөөрөл, нөхцөл шаардагддаг бараа бүтээгдэхүүн тээвэрлэх нөхцөлийг бүрдүүлэх зэрэг тодорхой санал дэвшүүлэв. Хятадын тал эдгээр саналыг чухалчлан үзэж, холбогдох арга хэмжээ авахаа илэрхийлэв. Үүний зэрэгцээ халдвар хамгааллын арга хэмжээг сайжруулж, халдвар хил дамнан тархах эрсдлийг бууруулах нь боомтуудаар бараа нэвтрүүлэлтийг нэмэгдүүлэхэд хамгийн чухал хүчин зүйл болохыг онцлон тэмдэглэв.

Дэд сайд Б.Мөнхжин Монгол Улсын цар тахалтай тэмцэх үйл ажиллагаанд хятадын  талаас дэмжлэг үзүүлж, вакцин болон бусад бараа материалыг буцалтгүй тусламжаар үзүүлсэнд  талархал илэрхийлэв.

Талууд цар тахлын нөхцөл байдалтай уялдуулан иргэд харилцан зорчих хязгаарлалтыг сулруулах боломжийг судлахаар тогтов.

Талууд мөн олон улс, бүс нутгийн харилцан сонирхсон асуудлаар санал солилцож, бүс нутаг, олон талт хамтын ажиллагааны механизмуудын хүрээн дэх хамтын ажиллагаагаа цаашид ч бэхжүүлэхийн төлөө байгаагаа илэрхийлэв.


0
angry
0
care
0
haha
0
liked
0
love
0
sad
0
wow

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.179.25.116
2021/12/23
0
0
Мөнхжин дэд сайдад баяр хүгэе. Энэ засгийн газарт овоо юм хийгээд байгаа нь энэ залуу. Эрээний боомтоос болж хүмүүст мөнч их чичлүүлсэндээ. Аргаа бараад өөрөө очиж арай гэж ачаа бараагаа татах ажлыг эхлүүлээд ирхэд хятадууд элдэв шалтаг гаргаад буцаад хилээ хаачхаж байгаа юм. Яалтай билээ. Одоо нэг гайгүй болох байгаадаа. Эрээний хил хаагдсанаар “үндэсний үйлдвэрлэгчид”-н тар нь танигдлаа. Бид чинь монголчууд дотооддоо овоо юм хийдэг болж гэж баярлаад байсан чинь худлаа байж. Тэд Хятадаас бөөндөж оруулаад савалдаг юм байна.
Хариулах
202.126.89.222
2021/12/23
0
0
Za baahan hujaa naashaa jihhen de
Хариулах
Шинэ мэдээ
Нүүрсний хэргээр дөрвөн хүн цагдан хоригдож байна 51 минутын өмнө
ОХУ-ын бага ангийн сурагчдын өдрийн хоол ямар байдаг вэ 55 минутын өмнө
Энэ сард хүүхдийн мөнгө, тэтгэвэр, тэтгэмж олгох ХУВААРЬ 58 минутын өмнө
Улаанбаатарт 21 хэм дулаан 1 цагийн өмнө
Б.Баясгалан: МҮОНРТ-ийн ажилчдын цалинг нэмэх боломжгүй, энэ байгууллагад засаглалын хямрал нүүрлэсэн 11 цагийн өмнө
Л.Бямбасүрэн: ЭМДС-гийн мөнгө эрсдэлгүй, Төрийн санд байршиж байгаа 11 цагийн өмнө
Ерөнхий сайд Л.Оюун-Эрдэнэ Илон Масктай цахилгаан машины хэрэглээ, ногоон технологийг нэвтрүүлэхээр ярилцлаа 12 цагийн өмнө
П.Анужин: Тэтгэврийг улс төрийн зорилгоор эсвэл сонгуулийн үеэр судалгаа, тооцоололгүйгээр нэмж ирсэн нь хэт зөрүүг бий болгосон 12 цагийн өмнө
ЕБС-ийн 1500 төгрөгийн үдийн хоол хүүхдийн өдөрт авах ёстой илчлэг тэжээлийг бүрэн өгч чаддаггүй 13 цагийн өмнө
Б.Энхбаяр: Монголын төр хүнээ бэлдэх ёстой биз дээ, би ХЗДХЯ-ны захиалгаар сураад БЗС-гийн зээлээ төлсөн 13 цагийн өмнө
Т.Доржханд: Би жагсаалтын суудлаа зарахгүй, МАН ч гэсэн зарахгүй гэж надад ам өгсөн 13 цагийн өмнө
Жюү-Жицүгийн дэлхийн аварга шалгаруулах тэмцээн Монголд болно 15 цагийн өмнө
Ази тивийн Үндсэн хуулийн шүүхүүдийн хурлыг зохион байгуулав 15 цагийн өмнө
“Трио” уран сайхны кино “Будда” олон улсын кино наадмаас шагнал хүртлээ 16 цагийн өмнө
​ Х.Баттулгын зөвлөхийн “Шинэ яармаг цогцолбор”-ын үл хөдлөхийг Хөгжлийн банкнаас борлуулж эхэлжээ 17 цагийн өмнө
Эрэн сурвалжлагдаж байсан этгээдийг БНХАУ-ын Эрээн хотоос баривчилжээ 17 цагийн өмнө
Гуравдугаар эмнэлэгт хэвтэхээр ирээд 10 хоног хүлээсэн иргэн УНТЭ-т хэвтжээ 20 цагийн өмнө
Big Loyalty хөтөлбөр хэрэгжиж эхэллээ 20 цагийн өмнө
Дэлхийн загварын шоу-г “ГОВЬ” Монголдоо зохион байгуулна 20 цагийн өмнө
Хөгжлийн банкны чанаргүй зээлд хураагдсан үл хөдлөх хөрөнгүүдийг үе шаттайгаар борлуулна 20 цагийн өмнө