NHL ба үндэсний хоккейн лигийн тоглогчдын холбоо нь Бээжингийн өвлийн тоглолтод оролцохгүй байх шийдвэр гаргасан тухай ESPN мэдээлжээ. NHL нь АНУ, Канадад омикрон хувилбар эрчимтэй тархаж сүүлийн хэд хоногийн дотор 100 гаруй хоккейчны PCR шинжилгээний хариу эерэг гарсантай холбоотойгоор бүх тоглолтуудаа зогсоон, хойшлуулаад байгаа юм. Улмаар байдал сайжрахаар буюу Бээжингийн Олимпын тоглолтын үеэр хойшлуулсан тоглолтуудаа нөхөн явуулахаар болсон тул Өвлийн олимпод лигийн тоглогчдыг оролцуулах боломжгүй болсон тухайгаа албан ёсоор мэдэгджээ.
Тохироо ёсоор NHL нь нэгдүгээр сарын 10-аас өмнө амжиж мэдэгдвэл Олимпын тоглолтод оролцохоос татгалзлаа гэж ямар нэг торгууль шийтгэл хүлээхгүй.
ОУОХ-оос NHL-ийн энэ шийдвэрт харамсаж байгаагаа мэдэгджээ. Мэдэгдэлд “NHL-ийн тоглолтын явцад COVID-19 хүчтэй нөлөөлсний улмаас лиг нь тоглогчдоо Бээжинд 2022 онд болох Олимпын тоглолтод оролцуулж чадахгүй болсонд ОУОХ харамсаж байна. гэсэн хэдий ч бид дэлхийн бусад шилдэг лигийн шилдэг хоккейчид Бээжинд ирж тоглолтоо харуулна гэж тэсэн ядан хүлээсээр байна” гэжээ.
21°C
Сэтгэгдэл (1)