УИХ-ын чуулганы өнөөдрийн хуралдаанаар "Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах талаар чиглэл өгөх тухай" хуульд нэмэлт, өөрчлөлт оруулах хуулийн төслийг хэлэлцэхийг нь дэмжлээ.
Уг хуулийг дахин зургаан сараар сунгаж байгаа юм. Энэ хүрээнд цар тахлаас урьдчилан сэргийлэх, тэмцэх, нийгмийн эрүүл мэндийг хамгаалах, хүний эрхэд тодорхой хязгаарлалт хийх, холбогдох шийдвэрийг шуурхай гаргах, нийгэм, эдийн засагт үзүүлэх сөрөг нөлөөллийг бууруулах, зохион байгуулалтын асуудлыг Засгийн газар онцгой журмаар шийдвэрлэхтэй холбогдсон харилцааг зохицуулах зорилт бүхий энэхүү хууль ирэх оны зургадугаар сарыг дуустал хэрэгжинэ.
Уг хуулиар мөн ипотекийн зээлийн эргэн төлөлтийн хугацааг сунгах заалтыг хэвээр үлдэж буй.
Сэтгэгдэл (0)
Сэтгэгдэл бичигдээгүй байна