Монгол Улсын начин Э.Энхбат өнөөдөр /2021.12.24/ таалал төгссөн харамсалтай явдал болсон. Тэрээр өнгөрсөн найман сарын хугацаанд Солонгос улсад эмчлүүлж байгаад зургаа хоногийн өмнө эх орондоо ирсэн. Улмаар "Сонгдо" эмнэлэгт хэвтэн эмчлүүлж байгаад нас барсан. Тэгвэл "Сонгдо" эмнэлгийн эмч нараас Э.Энхбат агсан нас барсантай холбоотойгоор байцаалт авч эхэлжээ. Тодруулбал, тус эмнэлгийн жижүүр эмч, эмчлэгч эмчээс байцаалт авч мөн хэргийн газарт албаны хувцасгүй энгийн хувцастай цагдаа нар үзлэг хийжээ.
"Сонгдо" эмнэлгийн ерөнхий захирал Б.Болдсайхан өөрийн сошиал хуудсандаа "ммм … Эрүүл Мэнд-н 100 жилийн ойн орой: эмнэлэг хэргийн газар болж, хавтаст хэрэг нээж, үзлэг хийж, эмч нар байцаагдаж баярлах шив
… баярлалаа Төр Засаг, цагдаа ба нөгөө мундаг найруулдаг талд
… тэгсэн ч үл шантарч хэнд ч эмчилгээ тусламж үзүүлсээр байх болно" гэжээ.
Сануулахад, Э.Энхбат агсны биед ноцтой гэмтэл учруулсан Н.Түвшинбаярт холбогдох хэргийн шүүхийн урьдчилсан хэлэлцүүлэг өчигдөр болж хэргийг прокурорт буцаасан.Улмаар шүүхээс яллагдагч Н.Түвшинбаярт урьд авсан цагдан хорих таслан сэргийлэх арга хэмжээг прокурорт очтол хэвээр үргэлжлүүлж шийдвэрлэсэн.
Сэтгэгдэл (0)
Сэтгэгдэл бичигдээгүй байна