2022/05/19
USD 2,811

Дотоодод үйлдвэрлэсэн нэг литр ч түлш байхгүй

Ш.АДЪЯАМАА
2021/12/28

Шатахууны чанарын талаар итгэхэд бэрх элдэв янзын мэдээлэл түгсээр. Бензиний савнаасаа мөс гаргаж үзүүлсэн бичлэг нийгмийн сүлжээнд газар авч, хүмүүсийг хоёр талцуулж байна. Шатахуун чанаргүй байлаа гэхэд ус хольсон байх боломжгүй гэж маргах хэсэг байхад, яг нүдээрээ үзсэн гээд мэтгэх хүн цөөнгүй. Энэ инээдэм, эмгэнэл хосолсон элдэв мэдээллийн сүүдэрт хамгийн анхаарал татахуйц асуудал олны сонорт хүрэхгүй үлдэж байна.

Манай улс дотооддоо бага хэмжээгээр зөвхөн дизель түлш үйлдвэрлэж, зам барилга, газар тариалангийн салбарт дараа төлөх нөхцөлөөр олгож байсан үйлдвэрийг түүхий эдэд нь онцгой татвар тавьж, зогсоогоод бүтэн жил өнгөрч байна. Одоо Монголд үйлдвэрлэсэн нэг литр ч түлш байхгүй. 

Өмнө нь бензин биш зөвхөн дизель түлш гаргаж байсан. Ийм байхад л хуурамч бензин хийж, хэрэглэгчид хохирч байна гэдэг үлгэр зохиогоод Их хуралд суусан колонкийн эздийн турхиралтаар дотоодын үйлдвэрлэлдээ татвар нэмж, таг зогсоосон. Тэгэхээр өнөөдрийн яриад байгаа чанаргүй бензиний асуудал үйлдвэрлэгчидтэй ямар ч хамаагүй. Онцгой татвараар үйлдвэрээ хаалгасан тэд 2021 оны эхний улиралаас хойш дизель түлш нэг литрийг ч гаргаагүй. Гэтэл бензиний чанарын асуудал яригдаад эхлэхээр бас л муу нэрийг тэдэнд хаяглах санаа цухалзсаар.

Үнэндээ бол 2018 оноос эхлэн шатахуун импортлогчид хилийн захын боомтуудаар онцгой татвар төлөхгүйгээр бензин оруулж ирж байгаа. Алслагдсан аймаг орон нутагт үнэ бууруулах боломж олгосон Засгийн газрын дэмжлэгийг колонкийн эзэд харин яаж ашиглаж байна вэ гэдгийг анхаармаар байна. Төв боомтуудаар ирж байгаа шатахуун хяналт шалгалт өндөр, стандарт чанар харьцангуй сайн байх. Харин орон нутгийн боомтуудаар оруулж ирж байгаа шатахууны чанарын шалгалт ямар байгаа вэ. Тэр тусмаа үнээ бага байлга гээд онцгой татварыг нь тэглээд оруулж байгаа шатахуунаа тэд чанартай, гарал үүсэл тодорхой байлгаж чадаж байна уу. Онцгой татвар төлөөгүй байж үнийн ямар бодлого баримталж байна вэ? Үүнийг шалгадаг нягталдаг төр засаг байна уу. Ийм асуудлууд л энэ шуугианы цаана олонд мэдэгдэхгүй өнгөрөөд байна.


Дотооддоо бага ч гэсэн дизель үйлдвэрлэж, эдийн засагтаа нэмэр болж байсан үйлдвэрүүдийг захиалгын хууль гаргаж хаалгачихаад, өөрсдөө орон нутгийн боомтуудаар онцгой татваргүй оруулж ирсэн шатахуунаа Улаанбаатар руу машинаар зөөгөөд байгаа колонкийн эздийн нөлөө УИХ-д маш хүчтэй байна. Шатахууны үнэ чөлөөлүүлсэн юм бол онцгой татвараа яагаад төлөхгүй байгааг тэднээс асууя. Эсвэл зарах үнэ чөлөөтэй тул бизнесийн зарчмаар онцгой татвараа төлнө үү. Хуурамч бензиний үлгэр зохиож дотоодын дизель түлш үйлдвэрлэлийг хориулж чадсан колонкийн эзэд хэдий болтол бусдаас илүү эрхтэй байх вэ.
Үнэндээ бол манай улс хамгийн доод зэрэглэлийн шатахуун импортлодог хэрнээ люкс зэрэглэлийн үнэтэй машиндаа АИ 93 хийдэг хэрэглэчидтэй. Өндөр үнэтэй машин унадаг ч хямд бензин авах хүсэлтэй хүн олон. Үүнээс үүдэн өвөл зунгүй шатахууны хэрүүл тасардаггүй. Үнэн худал нь мэдэгдэхгүй элдэв сенсаац дэгдээстэй. Өнөөдрийн мөстэй бензиний бичлэг хийдэг нөхдүүд ч импортлогчид өөрсдөө өмнө нь дотоодын үйлдвэрлэгчдийн эсрэг турхирч байсан багуудынх нь хэсэг. Өөд нь хаясан чулуу өөрийн толгой дээр гэгчээр өнөөдөр дотоодод хийсэг нэг ч литр шатахуун байхгүй учир "мөстэй" бензинийхээ учрыг колонкийн эзэд л тайлбарлах болж дээ.


Сэтгэгдэл (10)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.39
ugaasaa ontsgoi tatvaraasaa bolood diilenh ni 10jil dotorh mashin bga shu
Хариулах
64.119.16.49
gaaliin hashaa ochood uzeerei 10 onoos umnuh ontoi mashin orj irj bnu guu yu?! tenegleld bas hyazgaar heregtei shuu
Хариулах
185.247.71.222
2010 -С ӨМНӨ ОНТОЙ МАШИН ХИЛЭЭР БИТГИЙ ОРУУЛАА ОРЖ ИРСЭН ХЭД НЬ ИНГЭЭД ДУУСАГ ИРГЭД МИНЬ 2010-С ӨМНӨ ОНТОЙ МАШИН БИТГИЙ ХУДАЛДАЖ АВАА.
Хариулах
66.181.182.222
ЗАРИГ ӨНӨРӨӨ МИНЬ ЭНЭ ХЭДЭН СЭТГҮҮЛЧТЭЙГЭЭ ХЭДИЙ БОЛТОЛ ИНГЭЖ ЯВАХ ВЭ?? СУДАЛГАА УНШСАН ЮМ БАЙХГҮЙ ХООСОН ТОЛГОЙЛСОН ӨМХИЙРСЭН ЯВДАГ ЖОРЛОНГУУД. ХУУЧИН ХЭЛХЭЭТЭЙ ТӨМӨР ШИГ МАШИНД НЬ 3-5 МЯНГАН ТӨГРӨГТ ХИЙСЭН БЕНЗИН ӨӨРӨӨ ХАЛУУН, ХҮЙТЭНД ХӨЛРӨЛТ ҮҮСГЭЭД ЗОХИОМЛООР УС БОЛГОЖ ГАРГАЖ ИРЭЭД БАЙГАА ЮМЫГ ЧИ ЯАДЫН МЭДДЭГ ХҮМҮҮС НЬ БОДИТООР ТАЙЛБАРЛАЖ ӨГӨӨД БАЙХАД ШАНТААЖ ХИЙЖ ОЛСОН МӨНГӨӨРӨӨ БОДУУЛ IPHONE 13 PRO MAX АВАА БИЗ!!!! УТСАА САЙН УХ FACEBOOK ДЭЭР БАЙГАА БӨГС УХАХААС ЧИНЬ АМАР ХЯЛБАР ЦЭВЭРХЭН!!!
Хариулах
66.181.161.3
Horoolliin etsiin tesiig shalguulmaar bna aa. mash muu bsn shuu.
Хариулах
64.119.22.95
шаалаадаа
Хариулах
43.242.243.26
Зүгээр л сайн чанартай бензин түлш хэргэлмээр байна, унаа унаж байгаа хүн бүр үүнийг хүсч байна.
Хариулах
66.181.182.209
Багахангайн наахна хуурамч бинзин хийдэг газар гээд л хүн болгон мэддэг нэг байгууллага байдаг ш дээ. Түүнийг хяналттын байгууллага мэдэхгүй байна гэж байхгүй шүү. Маш том хамгаалалттай л хүн байх байдаг байх даа.
Хариулах
202.126.90.18
Taltsaad 2huvaagdaad bga ym yrduuch bhgui stahuun bolhgui bna geel irged100% yrij notolj bga ed hurunguuru hohirood bnaal gj asuudal ni nuguu turiin aimshigin tom МХГ ШӨХТГ gedeg mundaguud amaa uduuleed hahaad bgdl irged durgui bgam
Хариулах
66.181.184.148
эрдэнэтийн 3 зам өнгөрөөд дугуй шатааж нэрж гаргалаг бхаа маш нууц газар байдаг шүү муухай үнэр гаргадаг
Хариулах